日本通關在即,不少網民都買好機票等飛,不過近日就有不少網民表示預訂好的航班突然被取消或改期!有網民大罵「冇機就唔好比人Book啦!」,航班延期或取消自然令旅程大失預算,不過也有網民表示這是廉航常態:「HK Express唔改先開POST喇」。而HK Express於今日(10月8日)亦於Facebook page發出公開聲明致歉。

HK Express最近聲明(10月8日更新)

被網民聲討一日後,HKExpress終於10月8日晚上10:00發出公開聲明:

HK Express正就2023年之航班計畫作出檢視,讓乘客對其於2023年之航班安排獲得清晰的概況,因此對明年1月15日或之後的部份航班作出時間上的調配或取消。

我們正透過SMS短訊及 / 或電郵方式通知受影響航班之旅客,並向他們提供選擇方案,包括提供其他合適之航班而毋須額外繳付費用,或安排全額退款。

HK Express 就是次航班調整對旅客帶來影響,深表致歉。

HK Express突然取消航班

網民在討論區發文大罵自己明年農曆新年的航班被取消大失預算,「農曆新年飛,真係窮,比唔起其他皮幾兩皮張機票,(HK Express)都要幾千蚊一張。無啦而家無得去,可以點」。亦有網民原本1月19日飛鹿兒島,突然收到通知,表示臨時臨急預訂不到其他地方機票。

亦有網民分享自己航班突然被改,「本身凌晨機到羽田,而家改左我做夜晚11點到….」,亦有網民下年一月飛大阪的航班,去程及回程時間都被改。

網民直指HK Express經常改日子時間,「呢間公司上年都改過我幾次,根本就係求其開搶左個客先,再將前前後後果啲併埋一齊,自己亂調完全無懲罰無後果」。「快運不嬲成日唔聲唔聲改日子時間,係大家太耐冇去旅行唔記得咗快運個苦主區」。

HK Express 網民貼出HK Express提供的補救選項。
網民貼出HK Express提供的補救選項。(圖片來源:討論區截圖)

HK Express 機票突然取消令網民大失預算。
機票突然取消令網民大失預算。(圖片來源:《二十五,二十一》劇照)

細數 HK Express 中伏 3 宗罪!

HK Express雖然價格相宜,不過一直以來都有網民分享中伏經驗。相信唔少人對於廉航嘅理解,以為只係無飛機餐、行李揀位另計咁簡單,但其實廉航仲有好多同傳統航空公司服務上有唔同嘅地方!

01 |  用盡每一架機

為咗慳成本,HK Express 後備機數量唔多。呢度會衍生其他情況:

  • 航班時間會因為機隊調動關係而有調整,所以成日收到改航班嘅通知。
  • 壞機 / 天氣問題而 delay,會引起連鎖反應,甚至 cancel 退錢比你就算!
  • 雖然航空公司唔會因為成本而降低安全標準,不過日日咁樣操機法,小毛病都總會有啲,唔會影響安全,但小小維修都足以 delay 啦…

HK Express
(圖片來源:GOtrip編輯部)

02 | Outsource 晒啲服務比人

HK Express
(圖片來源:GOtrip編輯部)

比晒人做,自己唔使煩!所以客戶服務始終爭啲。有咩問題(e.g. 取消航班更改訂位),都唔係求其搵個地勤解決得到,因為佢哋都只係代理!最近就有香港傳媒報導指,航空公司的客戶服務熱線被投訴長期無人接聽,懷疑是與其廣州外判公司拖欠員工部份薪金有關,每日平均多達2,000個旅客來電,但均無人接聽,求助無援!(新聞來源

03 | 航班處理問題

呢個要真係睇你受唔受得住,一有咩冬瓜豆腐,cancel 咗你班機,只會退錢比你,未必有安排其他航班 (剛剛的取消航班事件除外),要自己打爆 hotline 去安排,或者等唔切就要買過張機票。如果係天氣 / 機件問題都可以 claim 到保險,但係如果係營運原因就真係仇都無得報。(暫時未有保險公司包營運原因)

而上星期再有一班由日本東京飛往香港的航班連番延誤,雖然沒有取消航班,但卻延遲超過21小時!除了要找住宿外,旅客要時刻留意航班動向,整晚亦不敢休息睡覺,比直接取消航班更糟糕⋯⋯

HK Express Hei Hei World 近年選搭 HK Express超過十次,算得上是熟客仔,絕非「忽然廉航友」,雖然見慣風浪,但對上月航班大規模取消,也頗感吃不消。
Hei Hei World 近年選搭 HK Express超過十次,算得上是熟客仔,絕非「忽然廉航友」,雖然見慣風浪,但對上月航班大規模取消,也頗感吃不消。(圖片來源:GOtrip編輯部)

Hei Hei World

網友補充  UO以外廉航個案

每次有關於 HK Express 的控訴,總會招來「搭得廉航就要有心理準備」的回應,今次網友提供了自家的個案,還分享了申請賠償的心路歷程:

HK Express 有網友分享申請退機票錢的艱辛。
有網友分享申請退機票錢的艱辛。(圖片來源:網站截圖)

HK Express 也有網友分享溫哥華飛台北後,轉搭廉航Peach去沖繩的經驗。
也有網友分享溫哥華飛台北後,轉搭廉航Peach去沖繩的經驗。(圖片來源:網站截圖)

廉航用家:唔係偏幫、間間公司都用盡航班!

HK Express 有網友分析廉航運作模式,重申航務原因不受保的現實,奉勸大家「買得就唔好驚」。
有網友分析廉航運作模式,重申航務原因不受保的現實,奉勸大家「買得就唔好驚」。(圖片來源:網站截圖)

延誤與取消 撞到正只能認黑仔……

HK Express
(圖片來源:網站截圖)

說到尾,關於低成本航空的旅程,絕對是一場心理質素的訓練,正如 禧.戲世界 Hei Hei World 所說,能否承受,絕對視乎閣下的接受程度。

HK Express突然取消航班事件?

有網民原本1月19日飛鹿兒島,突然收到通知,航班被取消大失預算,HKExpress只提供4個解決方案

廉航同傳統航空公司服務上有咩唔同?

為咗慳成本,HK Express 後備機數量唔多。呢度會衍生其他情況,包括…詳情請看

圖片來源:GOtrip編輯部、《二十五,二十一》劇照