港男網上問情侶旅行應否男方全付費用 網民大力反對：AA制先啱！
去旅行，當然要玩到盡，近日有港男計劃與女友一同出遊，但就應否幫女友付機票、酒店等的旅費則成為一大煩惱，更發帖文徵求網友意見，結果得出1014票反對票，力壓65票支持票，大比數認為發文者不應為女友支付旅費。
65票支持住包使費：唔包叫女朋友去做咩？
雖然不少網民均投了反對票，但亦有網民認為男方付款是一個約定俗成的法則，在計劃行程時已經「預咗包機票酒店」，並反問發文者「點解會唔包」、「唔包叫佢去做咩」。更有網民斥責發文者「斤斤計較」、「有閒錢都計到盡」、「做男人咪x咁孤寒啦」，質疑發文者「咁少少嘢都負擔唔到點叫男人，以後點養一頭家？難怪近年香港男仔比人批評唔上進」。
追求「性別平等」但又「Default男友請」？
在追求「性別平等」的世代，有更多的網民持相反意見，認為「香港男仔真多人做爛市」，過份溺愛女方，令香港女生有錯覺認為「同男朋友食飯= Default請我，我肯比番已經好X好」，但其實香港女生的賺錢能力隨時比男生高，「雖則唔係一定要一餐一餐計，到時睇番大家條件，唔咁計較嘅」。
網民獻完美計劃：夾儲「旅遊基金」最好！
有網友分享自己與女友的出行經歷，機票、酒店等前期要先付的旅費就「AA制」，到埗前「大家拎一嚿錢出嚟做旅遊基金」，食飯、觀光等的洗費會「喺嗰嚿錢拎出嚟埋單」，而「各自買嘢就自己出返錢」。同時，亦有網友建議發文者應先與女友溝通好，「問清楚好過估估下」， 最重要是女友對請此的態度，免得日後「拗交時有條刺」。
