一家四口在泰國開展 365 日旅居體驗，他們更出版了《全家變泰》一書，告訴大家到泰國旅居的點滴。出發去旅居，事前有好多工夫要做。平時去泰國都係訂下機票酒店，今次就要租樓，帶埋小朋友仲要搵學校，成件事即刻唔同曬。唔識唔緊要，作者列出咗大家要注意的事項，而大家最關心的當然是錢啦，究竟要預備幾多錢先夠呢？
衣食住行預算一覽
每月預計：
-
- 屋租 $10,000
- 燈油火蠟 $ 1500
- 學費 $10,000
- 衣食行 $5,000
每月總數：$26,500港幣
一年總數：$26,500 X 12 = 約$318,000 港幣，再加上旅行去玩去購物等，一年共$400,000 港幣就差不多了。
泰國消費比預算低 房租一萬包清潔！
出發前作者都知道曼谷生活指數低，但原來以上的預算是包埋好多意想不到的東西，發現很多使費都「大失預算」。
住：屋租一萬港元包了每星期兩次全屋清潔和打理花園服務，完全是額外優惠。
吃貨、購物狂天堂
衣：平時香港一件Tee平平地都要$100 ，在泰國$25 就有兩件！
食：三餸一湯都是$100 港幣。由於作者一家人食素，基本上以清菜淡飯為主，$200 泰銖已經可以餵飽一家。在美食廣場，一碗魚蛋粉平均$40 泰銖，叫淨粉只要$20 泰銖，廚師更因此免費加底，$5 港幣食到肚都大。
交通費超低 學費「二人同行」打折
行：作者在曼谷以單車代步，每架都只是$400 港幣，更加可以免費做 gym。如果住得較遠，可以搭 BTS，最貴都只是$13 港幣。的士起錶$9 港幣，最正是巴士，小童免費，大人$1 港幣。一家四口去購物，兩大兩小車費都是$2 港幣。香港65 歲長者坐地鐵，最平都要$2 一程啦！
學：本來預算一萬元的學費，原本有得揀月供和年供，年供仲有 95 折，每月足足慳了$1500 港元。「二人同行」仲有優惠，大佬細佬一齊讀書，細佬學費另外有 9 折。
作者每月約有 4 萬港幣流動現金，一半交租一半學費。除開 30 天，一家四口其他開支每日可用$667 港幣，已包括全家衣食行和日常用品。
粗略估計，作者一家每月才花$5,000 港幣，除開每天$166 已經可以豪過生活。