唔知大家對於生日正日喺飛機過有咩感受?如果短機就冇乜所謂姐…但去歐美長途機嘅話,咪姐係冇得慶祝生日?冇生日蛋糕食?

圖片來源:航空公司官網

生日搭飛機 要 Remark

其實只要在訂機票時,Remark 番當日生日/就嚟生日,幾乎所有航空公司都會勁識做咁送上蛋糕、香檳,遇上識搞氣氛的空姐、空少,分分鐘會帶埋全機人齊齊唱生日歌,甚至可以同機師影相!

點錯相,零 Surprise

之前有一次飛日本,呀姐係上客之前打電話俾所有人,話我哋知有個客落咗 Remark,訂咗生日飛糕,同埋話定我哋知佢姓咩同坐邊度啦!當齊客、做晒 on ground service之後,purser 去咗 approach 個訂生日蛋糕個客度,細細聲問個客係咪訂咗生日蛋糕,點知個客一頭霧水,坐佢身邊嘅男士就出聲,係呀係呀,然後 purser(佢後來聲稱)就覺得奇怪,不過就照問佢講,生日卡上面想寫咩名,男士答完佢之後,purser就番嚟同我哋呢件事。

之後,喺我哋派完餐之後,呢位男士入咗 Gallery搵我哋,同我哋講,原來佢哋一行六人一齊旅行,座位自己調過,所以頭先果個女士就正正係壽星!哈哈!!所以已經冇咗 surprise!不過我哋依然有出去全體唱生日歌同送上生日蛋糕!雖然穿咗煲,不過位女士乘客一樣開心!

大家下次想俾生日驚喜時,調位唔緊要,記得同我哋講聲呀!我哋係認位唔認人樣架!

航空公司點同你慶生?

國泰航空:1日前訂蛋糕

可以在訂票時或需要蛋糕前 24 小時預訂生日蛋糕,可以選擇去程或回程時送上。以香港飛往台北的機程,預訂蛋糕收費 HK$ 300,有一磅的雜果蛋糕,可以寫上短字句。但無生日卡、生日襟章、香檳,唯有希望地勤姐姐見係正日生日有得 upgrade 啦(但唔係奉旨啊)!

國泰港龍:3日前訂蛋糕

可以在訂票時或需要蛋糕前 3 天預訂生日,可以選擇去程或回程時送上。以香港飛往台北的機程,預訂蛋糕收費 HK$ 300,有 170 gram 的雜果蛋糕,可以寫上短字句。同樣無生日卡、生日襟章、香檳。

香港航空:生日待遇優厚!

有 Sweeten You Up,生日正日乘搭香港航空由香港出發的航班,可以獲贈生日登機證封套、生日襟章、朱古力禮盒。乘客戴上生日襟章,由辦理登機手續至落機,都會收到服務員的祝賀,生日的朋友可以與同行者(最多兩位)一起享用香港航空機場貴賓室「紫荊堂」的服務,以及「即影即有」相片服務。登上機航後,機組人員會送上祝福之外,還會送上簽名生日卡。但生日蛋糕及香檳服務要 48 小時前預訂。

HK Express

唔好意思,係無生日慶祝依一項服務架!

集油空姐面書:https://www.facebook.com/facrewcollection/
集油空姐 Instagram:https://www.instagram.com/fabeauty_sharing/

下一頁:空姐推介|姊妹們勿走寶!機上免稅品超級好買