你去旅行是一定要有旅伴們同遊,還是愛獨來獨往、自由度高的獨遊呢?不少人都會認為獨遊孤單一人,未能盡興,不過最近就有網民開post大讚獨遊好處多多,用獨遊5大優點指出其實更勝有旅伴的旅行!

港人狂讚獨遊大勝同朋友去旅行

日前有網民以「一個人去旅行其實從來唔係問題」為題於討論區發文,大讚獨遊遠勝與朋友、家人一起旅遊。當中更點出獨遊5大優點,引發大批網民強烈共鳴!

獨遊優點1:買機票訂酒店唔會拖

與家人朋友去旅行,買機票要先遷就大家時間,又要傾日子,又要與公司請假。排除萬難請好假以後又要傾搭哪一間航空公司、時間、價錢的航班。買完機票又要選哪一間酒店,地點、預算、房間大小都是要考慮的因素,與旅伴一來一回的溝通已浪費了不少時間。

但獨遊就完全沒有這個問題,自己會準備好所有事「機票酒店一早book好哂,唔會拖,亦唔會有任何糾紛,因為係自己決定」。

獨遊 優點 獨遊的話自己會準備好所有事「機票酒店一早book好哂,唔會拖,亦唔會有任何糾紛,因為係自己決定」。
獨遊的話自己會準備好所有事「機票酒店一早book好哂,唔會拖,亦唔會有任何糾紛,因為係自己決定」。(圖片來源:unsplash@leshutter771)

獨遊優點2:想去邊就去邊

有旅伴的旅行由旅遊的國家就要經歷一段時間的討論,而獨遊則正正相反,「想去邊就去邊,唔會有既定行程」。 一個人去旅行只要隨手找幾個有興趣想去的景點,「鍾意幾時去就幾時去」,就算有變動 / 直接取消也不用看他人面色,整趟旅程隨心所欲。

獨遊 優點 樓主:「獨遊嘅話鍾意幾時去就幾時去」
樓主:「獨遊嘅話鍾意幾時去就幾時去」(圖片來源:電影《原諒他77次》劇照)

獨遊優點3:食乜都得

每個人的口味不同,與他人去旅行就必須遷就口味。而獨遊就從來不需要遷就他人,「想食乜就食乜,餐廳唔歡迎1人?總會揾到有餐廳歡迎。咁多地方,一定唔止一間,一定會有餐廳做你生意!」

獨遊 優點 樓主:「想食乜就食乜,餐廳唔歡迎1人?總會揾到有餐廳歡迎。咁多地方,一定唔止一間,一定會有餐廳做你生意!」
樓主:「想食乜就食乜,餐廳唔歡迎1人?總會揾到有餐廳歡迎。咁多地方,一定唔止一間,一定會有餐廳做你生意!」(圖片來源:東京電視台《孤獨的美食家》劇照)

獨遊優點4:時間自由分配

與旅伴旅遊總需要看他人面色,想留耐少少都未必可以。他就大讚獨遊的自由度極高:「鍾意留幾耐就留幾耐,覺得悶就走,自己有興趣嘅就留耐啲,唔使理其他人會唔會黑面。」

獨遊 優點 獨遊的自由度極高:「鍾意留幾耐就留幾耐,覺得悶就走,自己有興趣嘅就留耐啲,唔使理其他人會唔會黑面。」
獨遊的自由度極高:「鍾意留幾耐就留幾耐,覺得悶就走,自己有興趣嘅就留耐啲,唔使理其他人會唔會黑面。」(圖片來源:電影《最愛女人購物狂》劇照)

獨遊優點5:作息自由

每個人的旅遊習慣皆有不同,有人愛早起趕行程,有人則愛瞓到黃朝百晏先起身出門,還要擔心旅伴有鼻鼾,嚴重影響睡眠品質!不過這正正是獨遊優點,「唔使怕有鼻鼾,亦唔使怕早起身趕行程,鍾意幾點起身就幾點起身,去玩嘅時間多與少,全憑自己決定。」

獨遊 優點 獨遊唔使怕有鼻鼾,亦唔使怕早起身趕行程,鍾意幾點起身就幾點起身,去玩嘅時間多與少,全憑自己決定。
獨遊唔使怕有鼻鼾,亦唔使怕早起身趕行程,鍾意幾點起身就幾點起身,去玩嘅時間多與少,全憑自己決定。(圖片來源:tvN《她的私生活》劇照)

最後他也提到他並不否認部分人認為的「自己一個去旅行係孤獨的表現」,但他也指出獨遊最大的重點「一個人去旅行,其實正正係享受自己可以獨處嘅時光,既寧靜,又自由。」

獨遊 優點 樓主:「一個人去旅行,其實正正係享受自己可以獨處嘅時光,既寧靜,又自由。」
樓主:「一個人去旅行,其實正正係享受自己可以獨處嘅時光,既寧靜,又自由。」(圖片來源:Netflix《愛在大都會》劇照)

網民極認同:試過獨遊真係返唔到轉頭!

樓主的帖文旋即引來大批網民的極力認同與熱烈討論,不少人都指出獨遊就算行程、交通出錯都不怕有人黑面,是個自我成長的好機會:「自己冇plan得好詳細,搭錯車亂咁嚟,最後搵返條路返去,都係樂趣嘅一種」、「漏咗樣嘢好緊要,自己一個人行街 ,就算行錯路做錯嘢搵錯地方,都冇人會鬧你X你黑你面,默默地做返啱,Plan A轉Plan B,從錯誤中成長。」獨遊的自由更可以讓你全心去感受這個城市的風土人情:

之前試過毒遊日本住青年旅社
同同房啲鬼仔去食嘢同去景點
交流吓各國嘅風土文情

真,自己去過真係返唔到轉頭。
想點行就點行,試過亂行,唔睇地圖,唔理地點,唔知去邊,總之行。攰就休息一陣,見到有咩想睇就去睇,唔需要同人解釋唔需要開口,自己邊行邊唱歌又得
講粗口又得~冥想又得~乜都唔講唔諗放空自己亦得~
有時要去邊度邊度~行錯咗上錯車~自己笑下自己搵返條路去返~冇面口睇冇說話聽~唔使理咁多解釋咁多~
一個字,正。

獨遊 優點 獨遊的自由更可以讓你全心去感受這個城市的風土人情
獨遊的自由更可以讓你全心去感受這個城市的風土人情(圖片來源:電影《跟你老婆去旅行》劇照)

獨遊缺點亦不少:瑕不掩瑜!

有優點就會有缺點,有網民就指出獨遊其實也有不少缺點,不過瑕不掩瑜:「壞處就係住酒店貴,兩個人住會平一截,特別係去得耐(講緊超過一個月)」、「試唔到咁多餐廳,有啲淨係可以2人起入座」、「想試多幾款嘢食又冇人share,見到靚景想影張相又冇人幫」、「想影唔到全身相,要厚面皮叫唔識嘅路人幫你影,但係亦都係鍛鍊你膽量好機會。」

獨遊 優點 網民:「想影唔到全身相,要厚面皮叫唔識嘅路人幫你影,但係亦都係鍛鍊你膽量好機會。」
網民:「想影唔到全身相,要厚面皮叫唔識嘅路人幫你影,但係亦都係鍛鍊你膽量好機會。」(圖片來源:Netflix《愛在大都會》劇照)

Tags :
圖片來源:unsplash@leshutter771、電影《原諒他77次》劇照、東京電視台《孤獨的美食家》劇照、電影《最愛女人購物狂》劇照、tvN《她的私生活》劇照、Netflix《愛在大都會》劇照、電影《跟你老婆去旅行》劇照