好多人搭飛機都比較怕遇到小朋友,一程機幾個鐘,如果遇上比較坐唔定嘅小朋友周圍走、踢椅背、尖叫就好難在航程中休息,好彩嘅話,家長都會阻止小朋友。不過有啲家長就未必,有次架長途機有好多香港人,其中有一家四口,2個小朋友點都坐唔定 ,唔係大叫就係走出去走廊玩,正常父母都會阻止嘅,不過呢對父母就冇咩反應,附近嘅乘客已經好唔滿意…..

港媽不滿孩子被投訴:「你哋對小朋友都冇愛心嘅!」

同事:「唔好意思啊太太,介唔介意叫小朋友唔好跑呢?因為怕我哋做嘢撞到佢哋啊!」

老母:「人哋鬧 喇!仲 唔 坐 好?」(佢嘅語氣係覺得我哋話佢對小寶貝。)
隔咗陣,安全帶燈著咗,佢哋就坐低咗,但開始用腳踩前面個香港女仔嘅椅背喎,個女仔就叮我哋幫手。

港媽
(圖片來源:豆腐空少的飛行日記)

我:「太太,唔好意思啊!麻煩你叫小朋友唔好踩前面嘅椅背吖,因為會影響到其他乘客休息嘅。」

老母:「咩啫!小朋友玩下之嘛,使唔使投訴啫!你哋對小朋友都冇愛心嘅。」

我:「嗯!我幫你反映畀其他乘客聽吖,因為你前後兩排五位乘客都投訴緊小朋友。」

老母:「小朋友之嘛!」

港媽
(圖片來源:《親親我好媽》劇照)

 大叔一句KO:「我喺我老母心目中都係小朋友!」

隔咗陣,個老母叮我哋出去,原來係佢後面個叔叔用番同樣嘅行為頂佢嘅椅背,要投訴喎!

阿叔:「我喺我老母心目中都係小朋友,阿姑你包容下啦!」

嗰下我真係忍唔住笑L咗出嚟,阿叔真係好堅,佢老母八十幾歲人仲喺佢隔籬,阿叔真係小朋友喎!

跟住落嚟嘅八個鐘,嗰兩個細路靜晒,個老母靜晒,而個老竇全程好似唔識三仔乸咁樣,睇咗N套戲⋯⋯

唔好以為大媽先會講啲咁嘅說話,香港的媽媽都會嘅!

港媽 Sayonara o sayonara o~是 我 的 我 的 寶 貝 親 愛。
Sayonara o sayonara o~是 我 的 我 的 寶 貝 親 愛。(圖片來源:《絕世高手之大俠盧小魚》)

撰文:豆腐空少的飛行日記圖片來源:豆腐空少的飛行日記、YouTube@WE4 Travel in HK 一起旅遊吧!影片截圖、Instagram@mcchen325授權圖片、Selina Cheung授權圖片、康樂及文化事務署官網圖片