由日本返港的航班,通常行李架上都會比較爆滿,大家趁日圓低位,都會多買一點戰利品,不過就有網民於討論區開post批評部分港人遊日時盡現,更為慳幾百蚊行李費而塞爆飛機行李架,行為極為肉酸!

港人遊日「食相真係好難睇」 狂霸行李架極自私

最近一名網民於討論區內發文,指最近到日本旅行後搭回程機返回香港時,甫上機就見盡香港人的旅遊醜態,「食相真係好難睇」。他表示自己上機時望著不少香港人提著大包細包,將多盒士多啤梨與手信hand carry上機,「有冇超重就唔知,但個體積真係好誇張,基本上塞唔落櫈底」!

日本 港人 他表示自己上機時望著不少香港人提著大包細包,將多盒士多啤梨與手信hand carry上機,「有冇超重就唔知,但個體積真係好誇張,基本上塞唔落櫈底」!
他表示自己上機時望著不少香港人提著大包細包,將多盒士多啤梨與手信hand carry上機,「有冇超重就唔知,但個體積真係好誇張,基本上塞唔落櫈底」!(圖片來源:unsplash@convertkit)

他當時就目擊到有3個人,一上機就即時「一上到機即刻打爆晒自己個位附近嘅行李架」,「仲要左塞右塞」,拖慢了登機進度,一行人的自私行為亦令航班delay。同時他們霸佔行李架也導致後來守規矩乘客的手提行李只可以放到遠處的行李架上:

有兩個乘客一上機,就驚訝:「我哋個位俾人擺滿晒……」

事件也令他直呼太過份:

X你臭街,前世未食過士多啤梨咩?!知唔知咁樣會好影響其他人?
佢哋啲行為好似八十年代跟阿媽返大陸,帶埋張棉胎,接濟親戚咁L樣!

日本 港人 事主:「佢哋啲行為好似八十年代跟阿媽返大陸,帶埋張棉胎,接濟親戚咁L樣!」
事主:「佢哋啲行為好似八十年代跟阿媽返大陸,帶埋張棉胎,接濟親戚咁L樣!」(圖片來源:Netflix《First Love 初戀》劇照)

網民極同意:香港人憑咩嫌大陸人?

事主的帖文引來大批網民熱議,不少網民都十分同意:「開關之後呢啲人又出晒嚟」、「真係唔明香港人有咩資格嫌棄大陸人」、「香港客惡頂都唔係新鮮事」、「坐UO就會見到啲人有幾寒酸,一二百蚊行李費都唔願俾,死都要hand carry拎行李上飛機,霸晒人哋啲手提行李位」。

香港人搭飛機不嬲要考牌
同埋香港人可唔可以唔好咁L急?
架機未停好就企曬起身拎行李
拎L完又唔坐低俾人地拎
自私X嚟全部都
都唔知急咩L
急完咪又係要喺行李帶等行李

到等行李啦,下個個推住㗎車仔圍L住條行李帶
X你老母見到自己行李先行埋去啦

我今日拎行李 行埋佢都要左zip右zip
講幾次唔該借借先埋到去追
跟著又有啲家長可以唔理啲靚仔行埋去
行埋去做咩L 你夠力拎咩?
今日拎個陣我大大聲喝X條𡃁仔
睇X住啊咪喺到玩啦!

日本 港人 網民:「開關之後呢啲人又出晒嚟」
網民:「開關之後呢啲人又出晒嚟」(圖片來源:unsplash@chrisbrignola)

不解為何執意買士多啤梨上飛機

同時也有不少網民不解為何香港人愛在日本買士多啤梨回香港,在香港其實也十分容易購入日本士多啤梨,而且價錢也相差不多,「其實唔係平好多 , 一盒大約咪平$10-$20」,「其實生果真係冇必要再買,香港依家買日本生果根本好平,人哋果欄大手入貨點mark up都平過你自己喺遊客區買」,加上士多啤梨存放不易容易整爛,幾日就會變壞,可謂「搵自己嚟搞」。 有網民更直指:「我會照用力塞,壓爆佢啲士多啤梨!」

日本 港人 日本士多啤梨 士多啤梨
士多啤梨存放不易容易整爛,幾日就會變壞,可謂「搵自己嚟搞」(圖片來源:GOtrip編輯部)

航空公司才是最大問題?

另一方面也有網民表示問題在於航空公司,對於空姐們鬆手縱容讓乘客攜帶超額的行李上機的做法不敢苟同:「最緊要係航空公司唔理,捉得緊又俾人放上嚟投訴,大家變相就鬥早上機霸位」。不過也有網民反駁到:「咁大堆行李,又無得畫位,你點知人哋有無超咗?隨便指一件就X人」,力撐用盡行李架並無任何問題。

日本 港人 網民對於空姐們鬆手縱容讓乘客攜帶超額的行李上機的做法不敢苟同
網民對於空姐們鬆手縱容讓乘客攜帶超額的行李上機的做法不敢苟同(圖片來源:電影《中國機長》劇照)

圖片來源:unsplash@convertkit、Netflix《First Love 初戀》劇照、unsplash@chrisbrignola、GOtrip編輯部、電影《中國機長》劇照