同事派狗糧做日本手信 港男見包裝超崩潰 網民：唔識用翻譯App?
早前有網民在討論區以「同事去完日本旅行買啲狗糧返嚟當手信俾我哋食」為題，分享「有個同事琴日啱啱係日本返嚟，咁今日一到公司就派手信，開咗包類似旺仔小饅頭嘅零食，食落覺得無咩味道，同埋有啲硬，咁諗住睇吓包裝邊間公司出咁難食嘅零食。」
豈料，一拿起包裝便「見到包裝有隻狗仔，我估個同事都係唔知，因為見佢自己都有份食。」樓主更指「宜家呢隻饅頭已經派哂全公司，應唔應該篤爆佢好？」
網民：成公司都係狗
帖文一出，隨即引來網民熱烈討論，有網民認為同事是故意惡搞：
- 「吓，特登買俾你㗎Wor。」
- 「成公司都係狗。」
亦有網民玩埋一份，指狗零食其實是健康食品：
- 「其實狗零食都唔算差喇，仲以為佢俾罐頭你。」
- 「健康食物，狗食得嘅任何人都食得。」
- 「其實都係餅嚟je，食就無咩問題，不過買俾人食onＸ。」
網民：叫老細出warning
不過，亦有網民認為現時個個都會去旅行，根本無需要買手信：
- 「好心唔好咁老土，人人都識自由行，買咩手信。」
- 「買包咁嘅野，就算係for人食，一人幾粒都好肉酸。」
亦有網民戲言若果樓主「條氣唔順」，可以向老細告狀或者幫對方打辭職信：
- 「同老細講，叫老細出warning letter俾佢。」
- 「建議你幫佢打辭職信，send俾HR。」
早前，由鄭裕玲（DO姐）、余迪偉、傑朱、Dickson主持的電台節目《口水多過浪花》，週一（30/10）一集Dickson遭大家砲轟，原來大非常嫌棄他從泰國帶回來的手信，DO姐直言：「好差啊啲手信！唔係一包完整嘅，好似係屋企食剩咁嘅，一陣真係要影相畀大家睇！得個幾廿塊芒果乾以為好矜貴啦，我就率先食啦，甜到漏啊！難食啊！」
