入住酒店5步曲｜首要開燈睇清全房、3樣必check物品

1. 不論日夜入房要開燈

專家Gipson：第一件事，係要開燈。點解？其實同迷信無關，因為自己唔鍾意黑漆漆的環境，唔夠光工作，好易傷眼㗎！

其實編輯都覺得入房間要先開燈，全因為唔開燈，你好難發現房間內的裝修細節，好似早前有人去Staycation，因為無好好檢查地毯，後疑被酒店要求清潔費。其實只要開燈檢查清楚房間就大大減低出事機會！

2. 搜索插頭 無一遺漏

專家Gipson：除了燈之外，插頭都係酒店房容易失靈的設備之一。尤其是依家出差採訪，有幾百萬樣電子產品要叉電：電話啦、電腦啦、相機啦、Wi-Fi蛋啦！如果房間插頭唔夠多，仲要壞一、兩個，真係好唔方便！

始終房務員未必會次次檢查清楚，望落設備齊全的房間，隨時插頭有失靈，除咗不能充電之外，分分鐘會被酒店要求賠償，得不償失！

3. 冷氣得個樣？Check埋開關窗！

專家Gipson：室內溫度會直接影響舒適度，所以要試試調校一下。好多時中央冷氣冇得校，如果發現個控制板只係做樣，點校都係零反應，就要睇下有冇得開窗，保持空氣流通，先至住得舒適。

冷氣真係好緊要，皆因空氣不流通，一晚之後隨時呼吸道不適。講真，住酒店都只不過想舒舒服服休息一晚，想第二日精神爽利，切記要檢查清楚冷氣及門窗！

4. 浴廁失靈 影響心情

專家Gipson：之後就要check check廁所嘅沖廁及水龍頭是否正常。若然外出回來夜媽媽，想放水開大或沖涼時，先發現有問題，到時才要call人來檢查，仲分分鐘要換房，就認真掃興！所以最好第一時間check真啲！

最近有港人去酒店疑似因設備殘舊，浴室玻璃爆裂而導致片體鱗傷等等問題，或者責任不在住客，但為減低發生意外的機率，最好還是檢查清楚浴廁設備，有問題最好出聲查詢為妙。

專家Gipson：順帶一提，我一定順手搵搵有冇風筒，你知啦，作為一個旅遊記者，儀表係幾咁緊要得㗎！可惜我又懶得帶私伙，而有時比較便宜的酒店，真係未必間間房有風筒，要走去reception借定先

5. 床頭鬧鐘一定要「拆電」的理由……

專家Gipson：有個小習慣係我個人偏好，就係如果床頭鬧鐘係行針式，我會將佢放在遠處，甚至將電池攞出來，直到checkout咗，先至幫佢校番好。

因為我太醒瞓，聽住滴滴答答聲我會失眠。其他設備好似電視、雪櫃及夾萬都比較少用，所以我就冇乜所謂。至於Wi-Fi，通常都比較慢或者易斷線，我都唔寄予厚望，用番自己嘅SIM card或者Wi-Fi蛋就算。住酒店，最緊要自己住得舒適自在。

追加！網民教路衣架鎖門

網友分享「最強自製酒店防盜鎖」：需要一個衣架和一張有椅背的椅子。

原理是外面推門，衣架會同時推動門的上扣，並緊緊扣實門的下手柄，估計伸腳要重達 50lbs，才可把門踢開。至於椅背要 45 度斜放在門下方，對方表示只有 SWAT team 才可衝入房！這個感覺超級安全，又不用帶多樣物件在行李裡面呢！