熱愛旅行的香港人一到連假就買機票飛返轉!去旅行不免要打個卡,你記得對上一次旅行出Post,打了甚麼Caption嗎?早前有網民就票選出7大「去旅行最MK嘅caption」,大量「老是常出現」的句子,你又有無用過呢?

7. 旅行不等於要幫手代購

身邊一定會有朋友、同事一知道你要去旅行就要你幫手代購,所以亦有人寫到明「不代購」。

#唔買手信

#唔代購

6.休息是為了走更長的路

有人為了在旅行之中休息,或者發挖新事物,從而獲得靈感的話。

#旅行的意義

#休息是為了走更長的路

5. 萬能key

還有一些句子是「萬能key」,只要換個地方名或者人名就得,得咗!

#我在乜乜天氣晴

#跟著xx去旅行

早晨,xx
你好,xx
xx=地名

去旅行 「#我在乜乜天氣晴」也是大熱之選
「#我在乜乜天氣晴」也是大熱之選(圖片來源:公視《我在墾丁*天氣晴》劇照)

4. 返鄉下

香港人熱愛去日本旅行,一年去幾次是常識吧!一早認定日本是自己的第二個「家鄉」!不過就有網友質疑幾年才去一次的地方,稱得上是「鄉下」嗎?

去日本嗰啲特別鍾意話自己返鄉下

#我返嚟喇(地名,可能根本幾年都唔會去一次,懶熟咁)

去旅行 去日本嗰啲特別鍾意話自己返鄉下
去日本嗰啲特別鍾意話自己返鄉下(圖片來源:unsplash@Jezael Melgoza)

3. 食字

去泰國的話,就好喜歡玩食字,將「太」字寫成「泰」。不過就令編輯想起「泰國通」胡慧冲的旅遊節目。

#泰舒服 #泰好味 #泰開心
我泰你老味呀

去泰國 caption係泰期待泰開心……

去旅行 去泰國的話,就好喜歡玩食字
去泰國的話,就好喜歡玩食字(圖片來源:unsplash@cadop)

2. 出走/流浪

近幾年「出走」、「流浪」這類hashtag很流行,去旅行就會被形容為「出走幾日」或者「失蹤幾日」,當旅程結束的時候,就是「返回現實」。有網民就認為舒舒服服去旅行,根本稱不上是流浪。

#出走 #流浪
屌你去五日又出走又流浪咁,咪又係搭飛機住酒店舒舒服服
一啲就返嚟就 #back to reality
無人想知

#出走幾天 #失蹤幾日 #勿念

個堆咩出走 流浪用到濫哂
家陣你去訓街咩 去旅行咋

去旅行 一啲就返嚟就 #back to reality
一啲就返嚟就 #back to reality(圖片來源:GOtrip編輯部)

1. 歌詞

直接引用某幾首歌的歌詞,例如經典劇集《衝上雲霄》的劇集主題曲《歲月如歌》就是大熱之一。之前就有網民說過一去到香港機場,腦袋中就自動會響起這首歌的旋律,難怪會經常出現在大家的caption裡喇!

陳奕迅《歲月如歌》:天氣不似預期 但要走總要飛
Dear Jane《哪裡只得我共你》:逃離人類荒謬(唔講以為去火星)
衛蘭《離家出走》:豁出去漫遊 不通知親友
嚴爵《好的事情》:休息是為了走更長的路 你就是我的旅途
陳奕迅《活著多好》:遊玩時開心一點不必掛念我
廣告歌:去旅行,搭車又搭船

去旅行 黃德斌在《大叔的愛》中帶Edan去台灣公幹,順便去玩加自拍,不知道KK會打甚麼Caption呢?
黃德斌在《大叔的愛》中帶Edan去台灣公幹,順便去玩加自拍,不知道KK會打甚麼Caption呢?(圖片來源:ViuTV《大叔的愛》)

圖片來源:ViuTV《大叔的愛》、GOtrip編輯部、unsplash@cadop、unsplash@Jezael Melgoza、公視《我在墾丁*天氣晴》劇照