唔知大家有冇經常做緊一份工都會諗住搵第二份工,可能因為現在的工作太悶、太煩、太忙、人工唔高同前途問題……總之就係想換一個新環境搞搞新意思!今日就同各位 打工仔 講下另類行業,畀心郁郁轉工嘅你!

原文刊於《 經濟一週》

01 | 大膽之選 殯儀業

一直冇人入行,其實都存在好多誤解,所以先冇人入行。

獨自面對遺體 ?

好多傳言話,先要嘗試獨自面對遺體數月,「成功」克服恐懼才可進一步學習處理遺體的技巧。但其實現時根本沒有可供這類學習用的遺體。

工種受性別限制 ?

如果女仔想入行,除了功德師、神父的角色只能由男性擔任,其他殯儀工種嚴格而言均可由女性擔當。但「堂倌」一直冇女性入行,有興趣的不如去挑戰下!

殯儀業工種好多選擇

如果大家有興趣入行,但又唔想接觸遺體,就可以去做棺材頭、禮儀師、功德師、風水師等都較集中於喪禮儀式上的細節工作。如果你又冇咩所謂又唔驚,咁可以考慮殮容師、仵工和執骨師傅等需要接觸遺體。所以話,其實好等人入殯儀業。

點擊放大

要讀基礎課程

初入行的學徒就月入兩、三萬,行內聲譽佳的殯儀從業員更可二、三百萬年薪,當中風水師更可以「步金」計算費用,即由風水師家中出發至完成整個程序的步數來計算,收入可媲美天文數字。

雖然禮儀學院辦有一個基礎課程,讓有意從事殯儀業的人入讀,真正認識這個行業,但是未完成課程便放棄、完成了課程又放棄的人比比皆是,再者有些學員完成課程後,來到遺體面前時,才發現與自己的想像有很大差距,選擇放棄。或是入行後受到家人、朋友更大的壓力而放棄亦屢見不鮮,結果導致報讀課程的人多,但入行的人少之又少。

自問自己條件有「三心兩意」就可以入行,「三心」即細心、關心、讓人安心;「兩意」則是令整個過程變得有意思和有一份心意,奉勸各位有意入行的人,認清自己的目標和理念才下決定。

02 | 細心之選 園境師

你以為係「花王」負責打理花園的花草樹木?咁就大錯特錯!園境師其實有好高的待遇,被政府視為專業職系,起薪點仲好高!

園境師工作範疇

主要是設計室外的園境,例如公園、公共空間、商業大廈及樓盤附近的綠化設施等,唔係剪下花,種下樹咁簡單。依家多咗人重視社區的綠化,而全港持牌的園境師只有 170 人,需求非常大,所以做園境師絕對有價有市。

點擊放大

人工高 學歷都要高

要入行當然都要有相關學歷啦!依家香港只有兩間院校開辦園境師建築課程,分別係香港大學及高等教育科技學院 (THEi) ,但整體收生人數唔多,每年都供不應求。要做園境師,唔係讀完書就得,仲要累積工作經驗先可準備考牌。

考牌一 啲 都唔容易,首先要取得一年副會員資格,先可以準備專業會員 (註冊園境師) 的考核,條件係要有相關的學位或以上學歷,以及至少要有 2 年相關工作經驗。正式考專業會員資格,費用每次約 2,000 元,形式會有筆試及面試,而每年都需要繳交約 1,350 元的續會費,同時園境師需每年報讀持續進修課程,個牌先可以持續生效。

不過咁辛苦至有資格做,人工唔會差!單計政府持牌園境師薪酬,可由總薪級表第 30 點起跳,約月薪 56,755 元起,至於剛畢業任職實習生都有至少月薪 19,000 元;若在私人公司如顧問公司、地產發展商等,畢業生起薪點約 20,000 元,持牌園境師至少月薪 40,000 元起跳。