無可否認七彩的事物係會令人心情愉快，好似平時只要見到彩虹都會令一眾女士大聲尖叫一樣，同樣在遊行途中，見到七彩的景點都會扼殺唔少菲林！今次就同大家一齊去睇下 7 個七彩都市，下次去就記住帶定一部靚少少的相機啦！
1. 阿威羅 – 葡萄牙
相片來源：portugaltours
葡萄牙中北部新興城市阿威羅，好多遊客都會稱佢為「葡萄牙威尼斯」，阿威羅係一個沿海城市，所以同威尼斯一樣都係水陸路交錯，遊客可以包起一艘小船遊覽全市。阿威羅最特別的，就係相中的間條七彩小屋，一排咁影過去一定呃到唔少like！
2. 斯卡布羅 – 英國
相片來源：guitarnoise
位於英國北約克郡北海沿岸的斯卡布羅，係東海岸的主要觀光地之一，因為舊市區集中在港口附近，所以吸引到好多遊客來渡假。下次去到斯卡布羅，可以試下一邊哼住英國著名民謠「斯卡布羅市集」，一邊遊覽呢個七彩都市！
3. 五漁村 – 意大利
相片來源：cinqueterre.a-turist
「五漁村」位於義大利利古裏亞大區沿岸，係蒙特羅索、韋爾納扎、科爾尼利亞、馬納羅拉及裏奧馬焦雷五個懸崖邊上的村鎮統稱。「五漁村」由一列火車連接，每個村都有各自的特色，黃昏時漫步海邊，欣賞七彩小屋，超浪漫！
4. 斯德哥爾摩 – 瑞典
相片來源：Maja Estelle
斯德哥爾摩貴為瑞典首都，當然係有佢的魅力！市內大部份建築都以顏色為主調，遠睇就好似一舊舊七彩繽紛的積木一樣，由其老城區，好多遊客都忍唔住瘋狂影相！
5. 弗羅茨瓦夫 – 波蘭
相片來源：Chelsea Jimenez
位於波蘭西南部奧得河畔的弗羅茨瓦夫，係波蘭第四大城市，佢最出名莫過於歷史氣息濃厚的教堂同遍佈全市的小矮人雕像。但除咗呢兩樣，其實彩色建築都好值得一睇，靚到好似去咗童話世界咁！