據著「0＋3」開關，不少孝順仔女都準備帶阿媽去自由行，到外國行一轉。不過每隔一陣子，就會有朋友狂呻「 帶阿媽去自由行，嘈交收場」的問題。如果來輕鬆一點，跟團一了百了，遇到導遊/團友失手或出醜，仲可以一家人齊心食花生多個話題！不過有種人總是勇氣十足，帶兩老自由行！阿珍除了向你致敬，仲會呼籲大家留意下列 5 個「中伏位」：

o1. 酒店住宿 ──── 名牌要緊、小眾累事

阿媽真係好唔識欣賞嗰啲好rustic 呀、industrial 呀、artistic 嘅設計，仲會嫌唔夠光猛、啲畫邪邪哋，所以請你盡量揀佢懂得嗌酒店名的地方，例如四季、半島，平啲可以揀Four Points by Sheraton（ 因為有「喜來登」三個字）， 以曼谷為例， 半島經常做4K 樓下的四天套票，好抵，好啱帶阿媽去！

帶阿媽去自由行 macau_sheraton_bbq12
酒店有泳池，就算唔游，父母望見都會覺得好開心。（圖片來源：GOtrip編輯部）

02. 膳食安排 ──── 地道行先、掃街最潮

再以曼谷為例，盡量帶阿媽去街邊檔，因為佢哋真係好鍾意食！濕濕哋嘅河粉、香噴噴嘅串燒，仲有芒果糯米飯，硬係覺得街邊好食啲，因為有風味之餘，亦係唯一可以通知師奶fans「我做過當地人」。

帶阿媽去自由行 巨型章魚燒
台東夜市的巨型章魚燒NT60/ HK$15 餡料過10款，包括西芹、章魚、冬菇、南瓜、西蘭花、蟹柳、蝦、豬肉丸等等。（圖片來源：GOtrip編輯部）

03. 食量估算 ──── 多菜少肉、少食多餐

雖然阿媽食得唔多，但通常好為食，好似金魚食極唔飽，同時又不斷話：「我依家食好少㗎、蒸條魚烚條菜就係一餐。」 你由得佢講啦，你話去食喇沙佢就話好㗎喇！另外，阿媽係好喜歡去果園的，摘即食果種！

帶阿媽去自由行 T_TAIPEI_023
曼谷、馬來西亞、日韓等地都是水果天堂，帶父母逛果攤最開心！（圖片來源：GOtrip編輯部）

04. 景點策劃 ──── 超市才是王道！

之前提到寺廟只是到此一遊，真正戲肉係超級市場！有朋友兩年前去沖繩，幾乎去勻全島AEON（ 當時仲叫「吉之島」），每晚買生果作宵夜，成班阿媽親戚已經好開心，今年過年仲講緊！另外曼谷Big C就更加係父母逛到唔願走的shopping大觀園⋯⋯

帶阿媽去自由行 BigC_BKK_parents
（圖片來源：Big C官網圖片）

5. 腳骨力評測 ──── 攰都唔出聲

自由行當然冇旅遊車點對點運送，路就自然行得多，但老人家幾時攰真係好難估，最常見就係勁攰都唔出聲，返到酒店對腳痛到第日行程半取消咁滯！心得係： 你自己覺得開始攰時，相信就係阿媽需要坐低休息嘅時間時，將體力同步，先可以齊齊去得更遠嘛！

帶阿媽去自由行
（圖片來源：Facebook截圖）

圖片來源：GOtrip編輯部、Facebook截圖、Big C官網圖片