大阪交通方便,食買玩樣樣齊,無論係一天班朋友定一家大細去玩都啱晒。咁多人,下下住酒店唔單止貴,點分房都係問題,夜晚想大家聚埋一齊食下宵夜傾下行程都唔方便,以下呢幾間 大阪Airbnb 唔止位置夠靚,而且空間夠晒大,啱晒一班朋友或者一家大細入住,包晒成間想點玩都得啦!

相片來源:airbnb 網站

▼多人數抵住推介▼

1. Hello Kitty主題 ♡SUPER KITTY♡

房價:HKD$1,856 起/4人( 追加HKD$221/1人,最多可住8人)

賣點:屋主共有5個單位喺同一棟大廈入面,全部都以Hello Kitty為主題。屋內嘅窗簾、毛巾、地毯等用咗粉紅色, 紙巾套、Cushion、沐浴露個樽都係Hello Kitty, 滿足晒女仔嘅少女心。雖然只有 1房1廳,但有700呎,相當闊落,屋主仲提供即沖飲品同零食,非常貼心。步行至心齋橋約8分鐘。(按此預訂


2. 跳入龍貓世界 森林系房間

房價:HKD$2,232 起/4人( 追加HKD$221/1人,最多可住8人)

賣點:屋主共有6個單位出租,全部都係龍貓系列,以綠、白色為主格調,清新自然,係名副其實嘅TOTORO Forest。2房一客飯廳,厨房、獨立衞浴設施齊備,WIFI、Nintendo N64任用任玩。徒步7分鐘可到心齋橋。(按此預訂

3. 梅田4層獨立屋Sky Building 4BD House 3

房價:HKD$1,336 起/5人( 追加HKD$220/1人,最多可住15人)

賣點: 距離大阪站10分鐘路程,福島站5分鐘路程,4層獨立屋連車位全棟出租,旺中帶靜。共4房,有客廳,廚房,仲有天台可以曬太陽,另外仲有焗爐,微波爐,洗衣機,WIFI任用,連毛巾都有準備埋,非常貼心。咁大嘅空間,至啱一家人同一大班Friend入住。(按此預訂)

4. 難波站旁飽覽道頓堀河上夜景 Penthouse on Dotonbori River Namba

房價:HKD$2,088 起/4人( 追加HKD$221/1人,最多可住16人)

賣點:激近難波站嘅頂層複式單位,只需2分鐘路程,地下街可直達,落雨都唔怕淋濕。心齋橋、道頓堀、日本橋全部都徒步可到,非常方便。全屋3房,走時尚設計路線,客飯廳、㕑房相當寬敞,最值得推薦係個露台,可以望到道頓堀河嘅夜景,三五知己喺度傾下計真係幾舒服。呢間屋同上面嘅梅田獨立屋都係同一個屋主,所以基本設備都差唔多,一樣好貼心咁準備埋毛巾,沐浴用品俾客人。(按此預訂


5. 千與千尋客房 附私人桑拿房 Spirited Away Ghibli Penthouse

房價:HKD$1,339 起/6人( 追加HKD$221/1人,最多可住11人)

賣點:位於日本橋站附近嘅頂層複式單位,步行至難波站亦只需5分鐘,地點一流。屋主鐘情於宮崎駿嘅動畫,所以間屋都以紅黑色為主調,好有千與千尋嘅韻味。兩房, 除基本設備大客飯廳,㕑房,及W IFI任用外,仲有Nintendo N64同Apple TV,有好多免費嘅電影同電視節目可以收睇。全屋最特別嘅係有一間私人桑拿室,可以慢慢嘆!(按此預訂

*Airbnb 價格隨訂房日期有所變動,敬請留意。

大阪訂房Tips

1.選地點﹕最方便就梗係揀心齋橋、難波、日本橋呢D大阪嘅中心位置啦!機場直到,周圍都係鋪頭,隨時食嘢買嘢都得。其次就係大阪站、梅田,高級少少嘅商場都喺果邊,大阪站直去京都都係30分鐘左右,唔使轉嚟轉去咁麻煩。

2.人數﹕ Airbnb顯示嘅價錢雖然係房價,但每間房都有Standard人數,超過Standand人數通常都要按人數再加錢。另外,留意返每間Airbnb嘅入住人數上限都唔同,唔係話你想加幾多就加幾多。

3.清潔費﹕除房費外,住客好多時都要負擔埋清潔費,金額間間都唔同,租前記住留意返。

上一頁:大阪Airbnb一流地點 5 間超值推介

下一頁,轉場京都:10大 京都Airbnb 推介

延伸閱讀:

大阪 黑門市場 覓食指南 | 必食必逛12間店舖推介

關西機場到大阪市區交通指南 

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測