講到平靚正溫泉,近近哋去台北都有大把選擇,距離台北1小時車程的宜蘭,私人風呂真係一地都係,高級飯店以至平價民宿,豐儉由人!今次我決定到位於宜蘭東南方的蘇澳,據知蘇澳日出非常出名,適逢去年新開幕的蘇澳四季雙泉館就以 蘇澳日出 及激罕冷泉作招徠,於是我二話不說立即訂房,住了3日,關於日出部分,只能用「失策」兩隻字形容!

邊睇日出、邊浸溫泉?

蘇澳港港口東面是太平洋,不少網友表示,到南方澳觀景台看日出,太陽會在正前方升起!是次下榻的酒店位近蘇澳港,頂樓卻書閣更是龍友影日出的勝地,感受直面太陽的威力,真係諗起都興奮。

雨不停落下來……

我在酒店逗留了短短3日,每日天未光就上頂樓等日出,點知3日都勁大雨,莫講太陽,全天候幾乎滿天烏雲,原以為自己黑仔累事,幸好當地導遊朋友講個真相我知。原來睇 蘇澳日出 都要視乎季節,蘇澳出名雨水多,一年就有一半時間都在下雨,而9月至3月都是雨季。

日出料理彌補創傷

唔知酒店係咪早有預備,餐廳朝晴庭竟推出日出主題set dinner,不過,食落又真心有驚喜,每道菜式都與太陽有關,當中以番茄清湯最特別,大廚將番茄籽及蜆以分子料理方式製成晶球,藉以模仿太陽,噱頭十足。

 

台灣唯一冷泉私湯

冷泉方面就中規中矩,現時全世界就只有意大利威利尼及台灣蘇澳有冷泉!酒店最抵讚是房間內的雙湯池,除了稀有冷泉,溫泉同樣獨特,有亞洲唯一黃金3泉之稱,集碳酸泉、鐵泉及二氧化碳泉!先浸溫泉,再浸冷泉,冷泉水溫約20度,一落水腳都麻痺了,勉強撐個3分鐘已經頂唔住,最後都係浸溫泉居多!

煙波大飯店蘇澳四季雙泉酒店

地址:宜蘭縣蘇澳鎮中正路38號
電話:+886-3-9960111
房價:尊榮客房1晚NT7,000 / HK$1,715
交通:蘇澳火車站步行約7分鐘
網址:www.lakeshore.com.tw/suao