雖然很多人出去和朋友約會都未必會準時,但如果每次都會遲到再加上一些乞人憎的遲到行為,實在令人很生氣!今次GOtrip編輯部就為大家數一數6個乞人憎遲到行為。

圖片來源:《愛回家之開心速遞》、《My盛Lady》

1. 食住等啦!

「食住等啦」,因為個個都以為有人就可以食先,完全冇人想過準時,結果得一個人在等一枱人,如何食住等呢?每個遲到的人,都會叫人食住等,唔通等你先至開飯咩,梗係食住等啦!不過食住等,你來到,又要追回進度,如果打邊爐都可以的,如果食正統的西餐,分分鐘要等你食完第一丶二道菜,廚師才會上第三道菜。

食住等啦(圖片來源:《愛回家之開心速遞》)
食住等啦(圖片來源:《愛回家之開心速遞》)

2. 遲到半個鐘剛剛好開飯

遲半個鐘的人,尤其是工作的飯局,約七點鐘,頭15分鐘要來等人,之後15分鐘用來寒暄,七點半才叫上菜,你七點半到, 7:45剛剛有得食,仲慳了30分鐘等人。

3. 刻意遲到的人

大圍食飯有不少人都會刻意遲到,因為覺得個個都遲到,所以自己也遲,以免等太耐,這根本是惡性循環,互相遲到丶互相等待丶互相折磨。不如講一個時間大家都可以的,那不就是清晰明確有效率嗎?

4. 遲到一定有原因

有些人慣性遲到的,其實甚麼理由都冇所謂,索性講一句唔好意思,大家心裡還好過一點。但是有些人卻喜歡捏造一些原因遲到,如出門口找不到鎖匙丶突然之間有個電話啦。

5. 明明未到又話就到

明明在尖沙咀,就話自己在中環行緊上嚟,魚目混珠,拖延時間,令到人覺得自己冇咁遲。事實上你話就來到,大家都等你,如果你坦坦白白說未到,大圍開始食飯或活動,大家都冇覺得咁慘。

6. 有些人天生就冇時間觀念

有些人對5分鐘或半個鐘,都沒有太大概念,無論在香港還是外地、遠定近,他們不能夠預計時間,覺得自己可以半小時來到!

大家會不會遲到呢?(圖片來源:《My盛Lady》)
大家會不會遲到呢?(圖片來源:《My盛Lady》)

大家身邊又有沒有這些人呢?

Tags :