【最薄情星座排名】喺考慮追求異性時,意外地,有唔少人都會在意對方嘅所屬星座,總會做下星座愛情配對。日本節目《月曜から夜ふかし》搵來一個「最薄情星座排名」,播出後,引來Twitter上熱烈討論!星座排名較前嘅網友們都紛紛表示,雖然唔想承認,但係講得好中point!你又排名第幾呢?

撰文:C|圖片:《月曜から夜ふかし》、Twitter

最薄情星座排名

呢個排名中嘅「薄情」,係指「直到目前為止,都沒有從心底裡喜歡過人」,邀請咗日本全國20~60歲世代男女,一共1,038名人士進行調查。日本網友都話結果令人好意外,但更意外嘅係,又講得幾啱!你個星座又排第幾呢?

最薄情星座排名|日本節目分析哪個星座最深情專一、哪個星座最薄情

第12位:天蠍座 18.9%

第11位:人馬座 25.6%

第10位:金牛座 27.3%

第9位:處女座 27.5%

第8位:雙子座 28.0%

第7位:巨蟹座 29.2%

最薄情星座排名
最薄情星座排名

第6位:山羊座 31.8%

第5位:天秤座 32.3%

第4位:獅子座 34.3%

第3位:白羊座 36.6%

第2位:雙魚座 37.3%

第1位:水瓶座 45.6%

最薄情星座

第1位係非常憑直覺,不追求形式嘅水瓶座。天生討厭被束縛,時刻追求自由,做事有自己嘅節奏。戀愛方面,同樣有自己嘅步伐同考量,因此,並唔會為咗對方而犧牲自己,亦不會被對方束縛。

性格上,對於感情較為安定穩健,因此沉溺喺戀愛中嘅經驗較少,所以,可以話係「未試過從心底喜歡上別人」。

相差不足1%,列於第2、第3位嘅係雙魚座同白羊座。第2位嘅雙魚座感情豐富,追求浪漫。因為討厭同人發生衝突,又或站在對立面,所以不擅長發表自己嘅意見同想法,屬於較為隨波逐流嘅類型。

因為性格較易顧慮他人,對於壓迫、氣氛較弱,經常糊裡糊塗就接受異性。時常封印自己嘅真實感情,所以會認為自己「未試過從心底喜歡上別人」。

日本新世代「少女潮流教主」西野加奈以情歌見稱,卻係第2薄情嘅雙魚座?!(圖片來源:西野加奈)
日本新世代「少女潮流教主」西野加奈以情歌見稱,卻係第2薄情嘅雙魚座?!(圖片來源:西野加奈)

第3位係有積極行動力及實行力嘅白羊座。對於戀愛方面亦非常有行動力,不會充分理解過對方,先同人交往,因此戀愛多數都不長久。而且因為性格偏向容易被別人吸引,所以可能會感到「未試過從心底喜歡上別人」。

最薄情星座排名|日本節目分析哪個星座最深情專一、哪個星座最薄情

最重情嘅星座

排第12位嘅係重視場面氣氛,會自我調節嘅天蠍座。天蠍座生性熱情,一旦決定咗某件事,就會將所有熱情傾注,集中於一件事上。

戀愛方面,非常專一不出軌。雖然深情,但經常被感情主導,容易浮現強烈的「獨佔慾」。因為戀愛上經常傾注熱情,所以有著不少「從心底喜歡上別人」嘅經驗。