去日本買手信最麻煩的地方,就是很多日本產品都已經可以在香港找到,優之良品、759阿信屋及一田等隨便逛一圈,都可以找到極多,分分鐘比在大阪買的更便宜!今次編輯部帶大家去大阪最具人氣店的阪急百貨,精選12樣必買手信,去大阪跟著清單買!

text:Cynthia|photo:Fion、相關機構

阪急百貨 熱門手信集中地

阪急百貨店距離大阪JR站、阪神梅田站等,都只有2-3分鐘的路程,非常方便。B1層集各大人氣店舖於一身,包括人氣軟糖Cororo 味覺糖、高貴版百力滋Baton d’or,以及永遠都大排長龍的Grand Calbee,無論是做手信還是自己食都好適合,隨時買到破產!

阪急百貨
地址:大阪市北區角田町8-7 地下1階
營業時間:10:00am-8:00pm(星期日至四 ),10:00am-9:00pm(星期五、六 )
網址:www.hankyu-dept.co.jp
交通:地下鐵梅田站,步行約2分鐘

#01 人氣最強果汁軟糖 Cororo 味覺糖

Cororo 味覺糖喺隨便一間便利店或藥房都可以買到,但阪急去年底新開的專門店走高級路線,盒裝非常精美,而且強調加入了果肉,一咬就好似真係食緊水果!一盒有4小包,每包有2粒,除開要5蚊1粒!但口味選擇更多,蜜瓜、藍莓、橙、梨、提子等等。

不同季節都有期間限定的新口味產品,以12月冬季為例,就有士多啤梨同蘋果,選擇太多,要買邊種口味,真係好難取捨!

Cororo
網址:www.uha-mikakuto.co.jp/cororo

#02 芝士雜錦盒 Cheese Garden

芝士控不能錯過的Cheese Garden,專門售賣各種芝士小食,包括多款芝士餅乾、小蛋糕、乾芝士粒,買一份雜錦裝可以一次過試晒,店內亦有不少款式可供單買,181円起相當划算!

四款味道的芝士餅,芝士味都好濃郁!

Cheese Garden
網址:cheesegarden.jp

#03 原個芝士蛋糕 Cheese Garden

Cheese Garden 的芝士蛋糕同樣好吸引,當中也有芝士蛋糕是不需要雪藏的,可以買一大個返香港,同朋友飲住茶慢慢嘆!但建議最好hand carry,避免軟綿的蛋糕會被撞壞。

Cheese Garden
網址:cheesegarden.jp

#04 忌廉夾心米餅 Happy Turn’s

Happy Turn’s 是近年新興的日本手信,外表看起來跟旺旺米餅分別不大,但採用的日本米,味道更好。店舖不時推出新口味,目前熱賣的冧酒提子、金文拔芝士及黑糖等都非常受歡迎。

米餅的外層加了相應味道的粉末,一拆開就聞到香氣,中間的忌廉令口感更加豐富!

Happy Turn’s
網址:www.happyturn.com/happyturns/

#05 原塊朱古力夾心 A.Sandolce

A.Sandolce主打夾心三文治餅乾,不要以為又是餅乾很普通,他們的餅乾勝在有夾心,一般市面的夾心都是採用忌廉醬,但A.Sandolce夾著一塊完整的朱古力或者焦糖,中間還有流心效果!口感較硬的焦糖放在口中慢慢溶化,與外層餅乾出奇地搭,粉色的包裝盒大加分!

A.Sandolce
網址:www.a-sandolce.jp

#06. 脆皮年輪蛋糕 Nenrinya

門口總是堆滿人的Nenrinya年輪蛋糕很受歡迎,一條條獨立包裝的年輪蛋糕方便攜帶及送禮。蛋糕的表面灑上了一層薄薄的糖霜,一咬就會同時吃到蛋糕的柔軟及微脆的表層,非常特別!

Nenrinya
網址:www.nenrinya.jp

#07. 楓葉片裝蛋糕 Nenrinya

除了一般味道的年輪蛋糕外,Nenrinya還不時推出期間限定的特別蛋糕,秋冬的楓蜜味片裝蛋糕,盒裝非常精美,好有季節氣氛!

Nenrinya
網址:www.nenrinya.jp

#08. 可愛蝦餅大集合 桂新堂

向來都走包裝精美路線的日本,蝦餅都可愛到令人唔捨得食!桂新堂的蝦餅除了傳統的造型,還有像真度高的熟蝦、印上了大阪名景點的蝦餅,以及超萌的貓咪蝦餅,可謂是花足了心思。

桂新堂
地址:大阪市北區角田町8-7 地下1階
營業時間:10:00am-8:00pm(星期日至四 ),10:00am-9:00pm(星期五、六 )
交通:地下鐵梅田站,步行約2分鐘
網址:www.keishindo.co.jp

#09. 樽裝北海道布甸 Pastel

同樣是布甸,日本的布甸花款特別多, Pastel作為一間布甸專門店,香濃又嫩滑的北海道牛奶布甸,只需常溫保存即可,帶出境都冇問題。

Pastel
網址:pastel-pudding.com

#10 一口小布甸 Pastel

嫌樽裝布甸玻璃樽身太重,可以揀一盒12粒,細過匙羹的小布甸,一啖一粒奶香夠重。

進階版的原個布甸忌廉蛋糕做唔到手信,都可以同旅伴買個返酒店慢慢食!

Pastel
網址:pastel-pudding.com

#11 百力滋界LV

買百力滋做手信,唔好以為好冇心思!在阪急設有專櫃的Baton d’or 被稱為「Pocky界的LV」,每次離遠就見到長長的人龍,所有人都十幾盒咁買,貪其看起來高貴之餘,期間限定口味同樣非市面常見!

官網近日就公布了18年2月將會推出成人先識得欣賞的V.S.O.P.、濃厚版的士多啤梨味,仲有強調用了丸久小山園的抹茶味,出發前不妨留意一下!

Baton d’or
網址:www.glico.co.jp/batondor/

#12 高級版卡樂B

另一間同樣排到幾乎見唔到龍尾的店舖,就是鼎鼎大名的Grand Calbee,有唔少網友都表示一排就要個幾鐘,無論等幾耐都要買!

同樣是走高級版卡樂B路線,口味夠多元化,北海道牛油、Camembert cheese、烤牛肉、栗子等等,朱古力味更會在薯片面塗上一層薄薄的朱古力醬,食落就似脆版餅乾,好易食上癮!