香港人大時大節最鐘意去食自助餐,可惜香港嘅自助餐起碼都要五、六百落樓,水準一般選擇又少,想食和牛、龍蝦、生蠔呢啲靚野隨時索價過千,真係唔多抵食!相反近來澳門星級酒店密密起,入面嘅自助餐平香港成半,更花樣多多,和牛、龍蝦、生蠔任食唔嬲,趁放假過下大海食都算物超所值!網友大讚澳門自助餐抵食,新酒店新濠影滙同JW萬豪嘅自助餐更要預早成個月先book到,係咪真係咁巴閉?!Admin今次暗中潛入幾間話題酒店自助餐放蛇,實行揭開「理想和現實」的一面!(21/1更新:過年食幾多錢?詳情按此)

buffet_studiocity_001

之前同事去食新濠影滙「星匯餐廳」的自助餐,返到公司力讚抵食夾大件,貴價生蠔、鮑魚、龍蝦、長腳蟹仲要任食!不過有傳媒在場,師傅侍應當然會打醒十二分精神,食物一定會源源不絕供應食到你飽吧!今次admin真金白銀俾錢放蛇試食,睇吓係咪真係冷盤勁,熟食正,環境哇啦啦先!

冷盤有水準?我的蠔山不見了!

準時5:59分到達,6點入座,6點01分衝出去冷盤搵食!咦?我個蠔山呢?無咗囉…成個區得少少蠔,難怪個個都要排隊等師傅慢慢refill,失望!

buffet_studiocity_005
不過好彩款式選擇多,當日有齊生蠔、鮑魚、波士頓龍蝦、大蝦、翡翠螺、青口、小龍蝦、蜆、雪蟹腳及龍蝦鉗十大款式,而且尚算新鮮,每樣成返三五七粒都總算開心返!鮑魚絕對是心水推介,口感夠爽口彈牙而且大大隻,抵食;可惜龍蝦、青口就略嫌乾身,而且refill速度唔夠快,真係有待進步喎!
buffet_studiocity_003


buffet_studiocity_002

下一頁:熟食甜品邊款好?新年期間有無加價?

延伸閱讀:

放蛇報告 | 澳門吉良$588日式自助餐回到本?

放蛇報告 | 澳門名廚都匯自助餐值得等兩個月?

放蛇報告 | 勁平激抵價!勵庭海景 Buffet 會否中伏?

熟食勁多款,樣樣都好好味?

熟食主要分為巴西燒烤、印度菜及中式點心三大區域,每個專區至少有7-8款揀,再加上鐵板燒大蝦、烤肉、牛扒等,真係勁多款,可惜水準一般,尤其中式燒味勁鞋口又油膩,劣評!不過巴西燒烤反而有驚喜,可能因為是每日即燒即製,所以勁新鮮,尤其燒肉外脆內嫩,咬落更會有肉汁流出,勁惹味!而印度炸雞和白咖哩都夠入味,但係味道太濃,建議同埋自家製薄餅一齊食!

buffet_studiocity_006 buffet_studiocity_007


buffet_studiocity_008

最後一站!甜品好食到要Encore?

食到八成飽,係時候去掃甜品!講真齋睇外表其實有點失望,因為蛋糕造型勁普通,幸好味道不錯,尤其Churros甜度適中又唔怕膩口;炒雪糕的師傅可能未上手,所以成品跟普通雪糕沒有太大分別,無謂排隊等幾分鐘吧!admin私心推介一定要Encore旁邊無咩人理的朱古力,選擇多而且入口即溶,真係好好味!
buffet_studiocity_011


buffet_studiocity_012

總評:款式選擇多但水準有待進步

最愛是款式多,超大環境又唔洗同人逼,不過水準有待加強,尤其熟食只有巴西燒烤在水準之上,其餘熱葷真係難以引起翻啅欲望!員工貌似準備未夠足,收碟速度慢咗少少!雖然加了價,不過價錢尚可接受,作為新場晚餐Buffet,絕對值得一試!


21/1更新:記者打去問過,新年期間除咗7號外,5-10號仲可以訂到位!

價錢: 5,6號大人$498+1,小童$249+1。8-10號大人$688+1,小童$344+1


評分

水準:★★★☆☆
種類:★★★★★
環境:★★★★☆
服務:★★★☆☆
價錢:★★★★☆
地址:澳門新濠影滙酒店明星滙二樓2113舖
電話:+853-8865-6668
時段:6pm-10:30pm
收費:
星期一至六:成人MOP$498、小童MOP$249
星期日及公眾假期:成人MOP$628、小童MOP$314
備註:另收10%服務費、5歲或以下小童免費

延伸閱讀:

放蛇報告 | 澳門吉良$588日式自助餐回到本?

放蛇報告 | 澳門名廚都匯自助餐值得等兩個月?