泰國芭堤雅動物悲劇】去得東南亞地區旅行,好多時都會有「騎大象」嘅環節,無論「打卡」或者當係個異國體驗,但係,當大家享受呢個過程時,又有冇諗過,其實係將自己快樂,建築喺別「象」痛苦身上?日前喺泰國芭堤雅,就有遊客見到一件象媽媽同小象載遊客時發生嘅悲劇。

撰文:Evita | 編輯:J|圖片:YouTube截圖(原文刊於《新假期》

泰國芭堤雅小象疑因太熱不支倒地

根據《每日郵報》報道,有菲律賓遊客於上星期到泰國芭堤雅東芭樂園(Nong Nooch Tropical Garden)旅行時,拍攝到一隻小象頸被綁繩,連繫住正在被遊客騎嘅象媽媽。

泰國芭堤雅
泰國芭堤雅東芭樂園入面,兩隻大象為載遊客只有「頂硬上」

泰國芭堤雅

遊客指當日氣溫高達攝氏40度,期間小象可能因為太熱而倒地。不過小象瞓低唔夠半分鐘,象媽媽就用鼻掂一掂象仔示意起身工作。

遊客:「樂園內有很多小象被繩連繫母象走來走去,遊客們享受的背後就是象在陽光底下受苦。」

泰國芭堤雅

泰國芭堤雅

遊客同時表示擔心大小象嘅健康,甚至遭受虐待,希望佢哋可以得到妥善照顧。而東芭樂園發言人就否認大象受虐待或太攰,更話:「所有大象都好健康,待遇好,如果有問題會被獸醫治療。」

而早前就有一隻叫Dumbo嘅小象喺泰國南部嘅一場表演中去世,有指Dumbo每日被逼表演3次,飼養員帶佢到獸醫診所時掃描發現兩隻腳都斷了,再過多三日就去世。

泰國芭堤雅

泰國芭堤雅

好多時候我哋希望喺旅行中嘗試未試過嘅「玩樂」,但係希望大家喺作出決定前要先考慮動物或其他人嘅感受,以免再有更多同類事件發生。