(Presented by國泰航空)
去得歐洲旅行,好多時都會plan去outlet喪買、行唔同地方嘅景點名勝,或者捐窿捐罅去搵食。但其實歐洲日出都值得我哋去欣賞㗎!所以今次特別嚴選歐洲五大日出城市:布魯塞爾、倫敦、巴塞隆拿、阿姆斯特丹、巴黎,等你哋可以去遊玩之餘,都唔好錯過任何一個值得欣賞嘅景色。Plan緊去歐洲旅行嘅你,一定要bookmark!

歐洲日出第1站:布魯塞爾.布魯塞爾大廣場

貴為世界文化遺產之一嘅布魯塞爾大廣場,除咗宏偉壯觀嘅日景同浪漫情調嘅夜景之外,佢嘅日出景色都一樣咁有睇頭!金黃色嘅太陽打落在充滿中世紀風情嘅建築上,令原本嘅古典建築顯得更金碧輝煌,華麗之餘帶點中古氣息。就好似置身喺電影場景入面咁,帶你返去中古世紀嘅比利時!

廣場四周環繞著唔同嘅建築,畀你360度不同嘅視覺享受!

歐洲日出第2站:倫敦.千禧橋

企喺千禧橋上面,一次過飽覽泰晤士河同遠處嘅倫敦塔橋景色,對比起日間人來人往嘅千禧橋,呢一刻畀人嘅感覺特別輕鬆、寧靜!隨住太陽喺倫敦橋附近升起,金黃色嘅光線染滿成個天空,為漆黑嘅景色添上色彩。趁住呢個機會,畀自己放鬆心情、放慢腳步,感受呢份舒適、恬靜嘅日出景色!

太陽開始慢慢升起!

吹住風,一邊欣賞日出,一邊欣賞埋英國最具代表性嘅倫敦塔橋!

歐洲日出第3站:巴塞隆拿.奎爾公園(Park Güell

講到巴塞隆拿,又點少得安東尼•高迪嘅建築!其中最受歡迎嘅,一定係世界文化遺產之一嘅奎爾公園(Park Güell)!繽紛嘅馬賽克雕塑感覺就好似置身童話之中,加埋日出嘅燦爛景色,立即為呢個童話世界添上生命,一生難忘!而且,只要於開園前(8點前)入到去園內嘅收費區域,就可以免費欣賞園內建築(部分建築入內參觀需額外收費),同時仲可以避開人潮影靚相!

波浪形石椅顏色鮮艷而且形狀突出,用嚟襯托日出嘅景色影相一流!

歐洲日出第4站:阿姆斯特丹.運河

有北方威尼斯之稱嘅阿姆斯特丹運河,可以話係到訪阿姆斯特丹必到之處!除咗四季都帶畀你唔同嘅景色外,佢嘅日出景色都一樣咁迷人!望住運河景色同兩旁嘅運河屋,太陽喺屋後面徐徐升起,金黃色嘅光線打落運河,令原本寧靜一面嘅水城瞬間變成一幅鮮艷嘅水墨畫,呢個迷人嘅景色實在一見難忘!

阿姆斯特丹運河嘅日出景色實在別有一番風味!

歐洲日出第5站:巴黎.艾菲爾鐵塔

想睇最浪漫嘅歐洲日出?又點少得巴黎嘅著名地標 – 艾菲爾鐵塔呢!建議可以去戰神廣場欣賞日出,同另一半或者閨密坐喺草地,一邊談心,一邊等日出。慢慢你就會見到天空開始滲出黃光,太陽由艾菲爾鐵塔底部升起,襯托四周嘅樹木,清新得嚟感覺仲好浪漫,同滿布燈飾嘅夜景比較起嚟,帶畀你另一種屬於艾菲爾鐵塔嘅新鮮感,絕對不可以錯過!

趁著日出,還沒有出現人潮的時間,記得多影幾張相留念!

唔怕浪費每分每秒!落機立即出發睇日出

去旅行要去得夠盡,就當然要由落機一刻開始玩!國泰航空就為你提供多達13條*歐洲直航航線,深宵出發,於當地早上時間到達,唔怕遇到轉機delay問題,到埗立即出發睇日出,等你可以由落機一刻開始,由朝玩到晚!

*布魯塞爾、哥本哈根及都柏林新航線亦將陸續推出。

更多詳情,即上:https://goo.gl/NRxkmK