年尾盛事之一嘅東華慈善嘉年華今日(23日)正式開幕啦!大家對呢個嘉年華認識幾多呢?究竟入場費幾多?點樣去?有冇得Walk in架?等等……唔駛心急而家逐一為你解答!

2月3 日更新:東華慈善嘉年華2月份3大驚喜

1月12日更新:每日任玩一款機動遊戲  1月入場優惠玩到盡!

1月5日更新:票價新玩法,最新開放時間要留意!

1月1日更新:元旦更新,碰碰車有得玩!遊戲新登場

12月25日更新:【入場注意】開幕瀨嘢 5 宗罪 & 免中伏攻略

12月23日更新:【交通查詢】點樣搭車去最方便?

1) 先睹為快!必睇場內地圖

12615209_1032679180086130_5896766757382847789_o

玩前當然要睇熟地圖先啦!備受注目嘅「陀飛輪」喺場正中間,想玩嘅朋友知道點去啦?不過就咁睇好似幾多嘢玩,但其實首日只有半數的機動遊戲開放,打算去嘅朋友要留意官方嘅公布啦!

2)  入場費幾多?同點計法?

嘉年華係開幕頭5日(即12/23~12/27日內)屬於開心家庭慈善體驗週,由12月28日起網上先至發售一般門票。(詳情請睇問題4)

門票價錢】(由12月28日起)一般門票$180。
票價包括】自選組合$160+入場$20 (1月5日更新票價)
條數點計】每次玩機動遊戲都會扣你票入面嘅面值,當冇晒嘅時候就要到嘉年華內嘅「增值亭」增值。

提一提你,3歲以下幼童 ,65歲以上長者及殘疾人士係免費入場架!不過參加機動遊戲及攤位遊戲就需要另外收費~

 

3)  我冇網上買票,有冇得walk in?

答案係:有的。不過如果當日入場人數眾多,網上訂票者係可享優先安排進場,而且網上訂票又可以指定時間同日期進場,包保你有得入同縮短排隊入場時間!

 

4)  聽講有$20任我試玩,其實係咩嚟?

開心家庭慈善體驗日$20門票其實係大會推廣呢個嘉年華嘅門票,記住呢個優惠只限開幕嘅頭5日(即12/23~12/27日內)使用。憑票可於該天全日免費試玩大會指定一項家庭式機動遊戲一次。當中包括「超級紐約滑梯」,仲有「繽紛可可杯」「迷你小鞦韆」同「極速滑梯」4款

dw20free

但記住只限以上4款機動遊戲其中一項既1次架炸!仲想玩其他或者想玩多次就要再付款充值啦~

更多詳情:【東華慈善嘉年華】$20體驗門票連「陀飛輪」都包?

 

5) 嘉年華嘅開放時間係幾時?

嘉年華舉辦嘅日期係2015年12月23日至2016年3月28日,至於開放時間要注意啦!

4/1/2016前 11am – 11pm
4/1/2016後3pm – 11pm(星期一至五)、11am – 11pm (星期六日及公眾假期)

6) 應該點樣去最方便?

咁多人去玩,乘搭公共交通工具當然最好啦!仲有3個方法俾你揀:

方法一:

乘搭MTR到油塘站A2或B2出口,行去茶果嶺道巴士站(油塘巴士總站),免費轉搭路線205R KMB 九巴專頁雙層巴士直達啟德郵輪碼頭。首班往會場嘅巴士將會於每朝10:30am由油塘開出,約3-7分鐘一班車,快啲約定班Friends喺油塘集合啦~

shuttlebus

方法二:
乘搭MTR到九龍灣港鐵站(德福花園) 轉搭綠色專線小巴86號到郵輪碼頭,每程 $5.5。每日早上6 時40分– 晚上11時 (第一班小巴將於早上6 時40分由德福花園開出)  。

方法三(只限周六日及假期):
乘搭MTR到牛頭角鐵路站九巴5R循環線往返郵輪碼頭,途經apm創紀之城5期,但只於周六、日及假期,早上11時 – 晚上7時提供服務,每半小時一班!

揸車去都OK!

至於揸車嘅朋友都唔駛愁,郵輪碼頭會提供120個時租車位。 (星期一至四收費每小時 $8,星期五至日收費每小時 $12)但提提你,車位有限,建議大家都係乘搭公共交通工具前往郵輪碼頭比較好!

下一頁:場內唔准自備飲食?!攤位遊戲有咩可以掟?

7)  玩玩下肚餓點算好?自備食物ok嗎?

東華嘉年華同好多主題樂園都一樣,都係禁止自携食物同飲品架。不過請放心,嘉年華裡面有美食街,就喺「陀飛輪」附近,等你玩到攰食飽飽叉夠電又再玩過!

8)  除左機動遊戲仲有咩好推薦?

DSC_7226

嘉年華為左一家大細都岩玩,除左有緊張刺激嘅機動遊戲,當然仲有精彩嘅皇家馬戲團表演!

詳情:皇家馬戲團

2c4d7262-a949-47a4-a1b8-5040319a0e39

另外點少得炒熱氣氛嘅攤位遊戲,而且仲收到風有好HIT嘅迪士尼動畫Inside Out嘅主角公仔呀!

9) 有冇嘢啱小朋友玩?

除左頭先講到嘅攤位遊戲之外,小朋友仲可以到「兒童創意動感區」同「海盜灣迷你高爾夫樂園」一齊投入嘉年華嘅氣氛!

13

係「兒童創意動感區」之內特別設置全長超過100米,全港首個Hot Wheels跑道,等小朋友可以一試身手係跑道上風馳。玩完汽車仲可以到大型Mega Bloks積木池,小朋友可以隨意創作出唔同組合,發揮小朋友驚人嘅創作力同訓練手部平衡力添!玩到差唔多,可以帶小朋友到「Mega Bloks 動物園」同用大型積木砌成嘅動物影返張相POST上網打下卡架~

11_new

「海盜灣迷你高爾夫樂園」係俾小朋友同海盜船船長一齊打高爾夫球嘅體驗。無論是以隊制形式,抑或個人形式參與遊戲玩法都唔同,相信從未接觸高爾夫球嘅大小朋友都可以感受到與眾不同嘅嶄新體驗!

 

相關文章:

【東華慈善嘉年華】$20體驗門票連「陀飛輪」都包?

【東華嘉年華2015】啟德機場跑道5大機動遊戲曝光

【東華嘉年華2015】「陀飛輪」登陸啟德!玩前必睇5件事

【香港】啟德VS AIA 冬日機動嘉年華比拼

冬日玩樂好去處 香港3大嘉年華大比拼