好耐冇出文,因為忙到甩碌,上個月偶有機會去台灣漫無目的旅遊,體會好深,想分享下。如果想

問咩景點同食咩,我諗Google已經幫到你,關於台灣食同玩已經好多人寫過,隨便搵都有。今次係寫我同佢哋生活上的分別,及我自己的各種反思。

其實深度遊行程都係去景點同玩,不過寫嗰種角度唔同,我又唔會癲到去禪修嗰隻。

今次去係一個人,所以好free,一落機已經係4點機。就喺桃園上國光去台北,未上車就有人幫手攞行李同mark貼紙,我落車起碼唔會攞錯行李。同埋,人哋部車個個位都有個USB位畀你叉電,手機冇電都唔驚啦!諗番香港,程A10收成$48都好似冇咁樣嘅服務喎!

一落車行咗成十五分鐘先到,冇計啦!行山友唔使住咁好,但一去到見到呢條樓梯就真係…..

其實呢塊牌好簡單,同其他剩係黐住塊門啲牌比,算有啲特別。

喺西門町附近住單人房,盛惠HK$107晚。

沖涼同洗手盆就要共用喇!但睇落其實冇咩問題。

六點幾,仲未食午餐,惟有放棄要每樣排隊嘅夜市,直接衝上樓鋸扒。

啲麵、嘢飲同雪糕都係任食,咁樣係咪叫半自助?我食咗勁多麵。

之後就去咗做正經嘢,就係去便利店攞演唱會飛。
香港:上網買完要特登搭車去快達票嗰幾個點攞。
台灣:上網買完是但一間便利店,即時印畀你。

返去嗰時經過西門町大街,街頭表演又唔一定剩係唱K。

返到旅館樓下有豆花買,又整咗碗。

隻匙羹深度夠,冇香港嗰啲又裝唔到嘢又易爛。

間房太細,每日就係坐出走廊諗聽日去邊。

人哋手信就買嘢食,我手信就買精油。返到嚟覺得好好用,輕輕鬆鬆過第一日。
如有任何疑問可電郵:[email protected]或PM我

相關文章