撰文：CY｜圖片來源：城景國際酒店（The Cityview Hotel）
Staycation嫌酒店房隔音差上網狂鬧 酒店竟然這樣做
事主在facebook群組「Staycation Hong Kong Hotel – 留港度假 本地酒店住宿優惠」中分享酒店入住經歷，提及到自己因故須短期入住城景國際酒店，卻留意到酒店房間隔音奇差，加上隔壁女住客經常「玩通宵，講嘢講到凌晨五點，朝早仲有男人聲加入」，早上又會傳出尖叫聲，相當擾人，令她大呼難頂。
事主又繼續炮轟餐廳餐具好污糟。當她要求餐廳職員為她換匙羹時，餐廳職員竟然回覆「你個早餐係唔使用羹嘅」。
本打算分享完就算，然而，事主出帖文後不久，就獲得酒店職員查詢：「樓下職員話睇到我個po（帖文），幫我換房，可以對住內街靜啲。」其他網民就話城景國際酒店已經開業有20至30年，條件自然不夠新酒店優勝。又有網民話「500 蚊都唔使喎」，暗示一分錢一分貨，應該張就下，不過隨即引來其他網民回覆，指「而家$500有好多選擇」，無謂強迫自己。
資料來源：facebook群組「Staycation Hong Kong Hotel – 留港度假 本地酒店住宿優惠」