韓國有幾個水上樂園 ，但最受年輕人歡迎的，一定是位於京畿道龍仁市的 加勒比海灣 （Caribbean Bay），事關園內的巨型滑水梯 Mega Storm 號稱是全韓最刺激，就連人氣韓綜《無限挑戰》都曾去取景！想玩齊場內超個 30 款水上設施，建議早上 10 點一開門便入場，因為早上人龍較短，推薦先去挑戰 Mega Storm，大概等 10 分鐘已經有得玩，比下午等成半個鐘一定更化算！

圖片來源：GOtrip編輯部、新傳媒資料庫

玩水點 1）急降 90 度！藍色巨型 漩渦漏斗

行上37米高的起點，坐上 6 人大水泡極速下滑，左轉右轉後，突然 90 度向下俯衝，最尾仲要喺巨型漏斗轉足 3 個圈，離心力大到全部人齊齊失聲尖叫，刺激度爆燈！不少人驚魂未定已經要衝去再排隊，絕對是場中必玩 no. 1 ！

滑水梯或明或暗，而且速度極快！真係全程處於驚嚇狀態中，而 Mega Storm 全長 355 米，竟然 60 秒就玩完，難怪個個玩夠 3、4 次先捨得走！

玩水點 2）頭搖又尾擺！瘋狂甩尾掟彎滑梯

怕離心力的朋友可以先去挑戰入門級的 Tower Raft 漂流滑梯，雖然速度較慢，但滑水梯九曲十三彎，不停掟彎時，令人感受到飄移的刺激感，而水泡在左右搖擺間不時更會捲起白色巨浪，水花四濺成身濕透勁涼快！不過提提大家，唔好掛住擘大口嗌，因為好易會入水！

玩水點 3） 90 度垂直！攞你命洗衫板

咪以為 Tower Boomerang Go「洗衫板」只係垂直滑落咁簡單，坐上巨型水泡後，便會立即被推出滑水道，經過短暫不停兜圈後，會突然急速下降，再立即衝上 19 米高「洗衫板」的頂端，離心力大到懷疑水泡脫離滑水道，再 90 度垂直下降衝到終點，認真攞命！

玩水點 4）拍拖親子樂都得 冧冧豬為你擋水

如果同屋企人一家大細，甚至 BB 豬去拍拖，咁又有咩好玩呢？場中當然有不少「另類刺激」的選擇，當中不少人會選擇去 Adventure Pool 被超巨型骷髏水桶兜頭淋，2.4 噸水從天而降！

玩水點 5）放電首選！550 米漂流河

River Way 全長 550 米，坐在水泡上便可緩緩流淌飄浮，小朋友着救生衣便可奮力向前游，用來放電一流！

玩水點 6） 高達 2.4 米波浪！ 米合家歡人造浪

Wave Pool 中的人工波浪高達 2.4 米，記得要照顧好小朋友，拖實佢哋！

玩水點 7）消除疲勞！勁舒服水流溫泉池

玩到攰必去 Bade Pool 溫泉池試試水流按摩，設計結合了德國傳統溫水洗浴方法及東方醫學的健身設施，勁舒服！

Caribbean Bay
地址：京畿道龍仁市浦谷面前垡里 310 三星愛寶樂園
營業時間：9:30am-6:00pm（星期六、日）、10:00am-5:00pm（星期一至五）
網址：www.everland.com/web/multi/chineseB/caribbean/main.html
交通：由江南站乘 5002 號巴士，至愛寶樂園站下車，車程約 50 分鐘

去韓國旅行又點會剩係玩水，想知shopping、娛樂、住宿有咩優惠？即 click：

最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。

韓國首爾有什麼好玩推薦？

首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。