羊咩向來是動物界親善大使，雖然佢哋係電影《Zootopia》飾演奸角，但都無礙羊咩係我心目中天真無邪的地位架！今次記者飛到首爾出差，估唔到竟俾我係弘大街頭撞到2隻羊！原來佢地來自區內的Thanks Nature Café！

左邊怕醜啲個隻叫Maenggu，右邊個隻熱情到撲上身的叫Jjanggu，2隻一出現已吸引大批市民眼望望！

老闆為咗讓更多人更容易親近大自然，便開了這間羊咩Café，讓人零距離摸羊羊。不過礙於空間有限，所以店內只能養2頭約半歲大的羊咩BB，當他們長至1歲，便會送回江原道的農場繼續生活。

唔講唔知，原來照顧呢2隻羊絕不簡單，老闆每朝都要帶牠們散步半小時，仲要邊行邊掃地，因為羊咩原來會不斷邊行邊屙屎架！ 記者有幸跟老闆放羊，當頸帶束在頸上時，牠們超興奮發出「媽媽」聲之餘，還不斷拉你行快啲！記者為趕及牠們步速，竟跑起來，最狼狽係2條手帶被牠們弄至糾纏不清，需出動老闆幫忙處理。


店內2隻羊咩勁為食，全日勁多食客餵佢地食千乾草都唔飽，又叫老闆再俾多啲佢食。

不過，在鬧市中能聽著咩咩聲，確係好治癒呀！我仲瘋狂到請羊咩咩「咩」幾句，並設為電話鈴聲呢！

咩！每年7-9月我地都會搬回江原道農場娘家避暑，所以想探我記得留意官網。

聽老闆講，佢每日只會帶小羊散步一次，因為成日出街會令牠們心野，會扭計行街，所以大家想同羊咩一齊散步，記得早上11點來呀！

店內雖然無羊咩，但有好多超可愛的羊咩擺設！

不過大食妹記者最關心，都係有咩食！

Quattro Waffle是招牌菜，材料超豐富，有士多啤梨、藍莓、香蕉和奇異果，配上香脆蛋味重的Waffle，令人口水狂流，好食，建議2人開心share。₩12,000/HK$80

可請店員為你拉一杯羊咩樣的Latte。₩5,000/HK$33

Thanks Nature Cafe땡스네이처카페

地址：首爾 麻甫區 西橋洞486 號地下1樓121號（서울 마포구 서교동 486 대우푸르지오상가 지하 1층 121호）

電話：+82 -2-335-7470

營業時間：11:00am-11:00pm

交通：乘地鐵2號線至弘益大學站9號出口，再步行8分鐘。

Facebook: tncafe

最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。

韓國首爾有什麼好玩推薦？

首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。