最近嘅話題總係離唔開櫻花,超市入咗好多櫻花味零食、coffee shop 出現櫻花主題商品,護膚品又推出櫻花特別版,見到咁鋪天蓋地嘅櫻花攻勢,買咗機票嘅自然未出發、先興奮,本身冇諗住請假去 賞櫻 嘅依家都搞到心癢癢,忍唔住上網 check 下平機票。除咗日本,近年都多咗好多人鍾意去韓國睇櫻花,今次推介5個 賞櫻 地點,仲整理埋呢幾個地方嘅預測花期同旺季出遊小貼士,等大家可以盡情地 賞櫻 兼 shopping!

相片來源:新傳媒資料庫

韓國櫻花由每年 3 月尾開始陸續綻放,最先開花係位於最南端嘅濟州,跟住到釜山、鎮海、首爾,一路向北開上去。根據韓國觀光公社最新資料顯示,2017 年濟州櫻花嘅預測開花期係 3 月 21 日,同日本櫻花一樣,大約1星期後就係盛開嘅日子,即是最快下星期初就睇到韓國第1批最燦爛嘅粉紅花海,而預計最遲開花會係江原道春川一帶地區,預測開花期係 4 月 9 日,未買機票嘅依家仲可以把握最後機會。

韓國 5 大 賞櫻 熱點花期預測

鎮海
預測開花期:3月26日
最佳 賞櫻 地點:余佐川櫻花道、慶和火車站、帝皇山公園

大邱
預測開花期:3 月 26 日
最佳 賞櫻 地點:八公山道立公園、壽城池


慶州
預測開花期:4 月 1 日
最佳 賞櫻 地點:普門洞公園、雞林、佛國寺


首爾
預測開花期:4 月 6 日
最佳 賞櫻 地點:汝矣島輪中路、慶熙大學、南山公園、鞍山公園、松坡渡口公園


富川
預測開花期:4 月 6 日
最佳 賞櫻 地點:遠美山公園、陶唐山樹木園

 賞櫻 旺季遊韓貼士

  1. 帶備防風外套

初春早晚溫差比較大,以首爾為例,中午陽光普照嘅日子,氣溫可能接近20度,但一到清早同夜晚就會跌到得番幾度,而且會大風好多。衣着方面建議採用洋蔥式穿搭,方便穿脫,另外最好帶定1件唔太厚又擋到風嘅外套,朝早出門或者入夜時着住,下晝覺得熱又可以摺埋收落袋。

  1. 在地網購

旺季出遊去到邊都係人頭湧湧,對於有人群恐懼症或者急性子嘅朋友嚟講絕對係種煎熬,但去得韓國又冇理由唔shopping喎,點算好呢?上網買啦!韓國年輕人好鍾意網購,所以好多人氣品牌都有推出online shop,大多都服務完善,送貨速度快,一般落單後4-5日內就送到,大家可以計準時間喺出發前,或者到埗後上網訂貨再送去酒店,咁就唔使出去同人迫又可以盡情購物啦。

有一點要注意,網購最好揀啲有密碼驗證系統嘅商戶畀錢,例如比較多人用嘅Verified by Visa功能,每次網上購物去到付款個步驟時,卡主都要輸入一次性密碼先可以完成交易,而密碼係透過手機短訊形式送出,換言之可以降低信用卡被網上盜用嘅風險。

  1. 善用流動付款功能

唔同金融機構發出嘅信用卡都有各自嘅外遊回贈計劃都好吸引,但又唔想帶咁多信用卡出門,只要轉用流動付款就解決到。依家好多智能手機都有支援非接觸式支付功能,只要跟住步驟輸入相關資料,去到外地畀錢時用電話感應一下就搞掂,方便快捷。

 

想知多啲韓國旅遊優惠,即 click :

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介