撰文：CY｜圖片來源：壽司郎、Carousell、Facebook群組「大埔 TAI PO」
大埔壽司郎開幕 黃牛黨出動炒飛 壽司郎:禁止網上轉售籌號
壽司郎自開幕以來備受港人歡迎，壽司郎大埔店開幕亦好不例外，當日9點半已經大排長龍，未開門已經排完籌，真係相當誇張！
排住隊搶自然搏盡無悔，但有港人發現在網上二手交易平台Carousell上，有黃牛黨轉手當日票籌，定價最貴$40。
相關截圖被轉載至Facebook群組「大埔 TAI PO」，網民狂鬧黃牛黨做壞晒規矩，「好心就咪買啦……此風不可長……」、「攪攪下，攞飛都要落名，對啱名先入得㗎啦！」、「就係呢啲炒風，剛剛開嘅時候可以用app 訂位，之後都唔比訂，就係D人拎出黎炒」。
其實早在二月中，壽司郎屯門店開幕期間，亦曾出現黃牛黨蹤影。GOtrip編輯於網上二手交易平台Carousell上隨便搜尋，即可找到當日的籌號，價格同樣定位$40。
相信是留意到黃牛黨問題越漸嚴重，其實壽司郎早在3月初宣布暫停手機app預約服務，並聲明不能使用網上轉售的walk-in籌號，食客必須前往分店親自攞籌。
