自疫情開始,港人都開始習慣叫外賣,想不到外賣員交收短短幾分鐘都會遇到極品「西客」,不但對外賣員出口大罵,甚至動粗。有網民看到後就指:「叫外賣定想搵人出氣?」、「唔係淨係送外賣、送貨都有人係咁」等。

外賣員撳門鐘都被鬧 要求檢查後先畀錢 網民:搵人出氣?

網民日前替任職外賣員的朋友在「香港外賣及速遞平台綜合交流群」發文,指他工作時,將到食物送到客人門外,怎料「撳門鐘」一個舉動都觸怒到客人。客人怒罵:「做乜撳我門鐘?」,情況令人不解,事後更發展到對未付款的食物「拳打腳踢」。

外賣 西客 「撳門鐘」的舉動觸怒到客人
「撳門鐘」的舉動觸怒到客人(圖片來源:Unsplash@Kelly Sikkema、YouTube@100most)

外賣員撳門鐘都觸怒食客

帖文中附有一條影片描述當時情況,指食客叫了一個薄餅,當食物到達時,外賣員撳門鐘,對方一開門就問「做乜撳我門鐘」,然後要求入屋逐件檢查食物後才會付款。外賣員之後指要將食物送回餐廳,對方回應:「你咪拎攞死窮鬼」,當外賣員轉身離開時,對方就衝出門外,更對未付款的食物「拳打腳踢」。

外賣 西客 當外賣員轉身離開時,對方就衝出門外
當外賣員轉身離開時,對方就衝出門外(圖片來源:FB@香港外賣及速遞平台綜合交流群 影片截圖)

網民:貨有問題同返公司講

有網民就分享相似的送貨經歷:「我送兩大袋貨到佢門口影相拉完成,點知條友叫我唔準走,佢要當場點算貨物,盒蛋逐隻照逐隻check有無爛。食品逐件睇有無爛和過期」。他向客人表示,貨有問題顧客可以直接向公司反映,送貨員只負責送貨。之後客人扮聽唔到,最後他沒有理會照離開,入lift前最後聽到客人大叫「實投訴你」。網民指正確做法是:「正確程序報CS,洗手,開餐」、「使乜check, check 完有漏都係要搵CS 㗎啦」等。

外賣 西客 貨有問題顧客可以直接向公司反映,送貨員只負責送貨
貨有問題顧客可以直接向公司反映,送貨員只負責送貨(圖片來源:YouTube@100most截圖)

網民:唔畀Check第一次聽

網民就檢查食物一事就有兩面意見,有人認為檢查沒有問題指:「第一次聽收到嘢食唔可以check,如果是現金單更加要check,避免爭拗」、「但我食咗咁多年pizza都係拎晒啲野入屋先畀錢」;有網民亦表示:「但我做咗咁耐都係畀錢我先至會畀嘢食你囉」、「一手交錢,一手交貨,呢個係定律。少咗嘢打畀餐廳點都會補比你,除非係慣犯」、「試過有同事俾完pizza個客閂埋門係咁撳鐘都唔肯開門俾錢」等。

撰文:Christine Chau圖片來源:FB@香港外賣及速遞平台綜合交流群、Unsplash@Kelly Sikkema、YouTube@100most資料或影片來源:FB@香港外賣及速遞平台綜合交流群