美國聯儲局宣佈加息之後,多間銀行都看好日圓會持續下跌,但摩根大通日本市場研究主管就唱反調,佢認為日本的經常帳盈餘強勁,日圓又被低估,所以明年首季匯率有機會升!下,一時又話一時又話升,唔好講咁多,直接話我知幾時唱錢最好啦!有專家話其實宜家嘅匯率都算唔錯,如果短期內會去日本,不妨唱定先,之後就算真係跌,其實都唔會話點蝕。

但如果你短期內未有遊日打算,但出年下半年又心郁郁想去行下,又應該幾時換?有銀行經理就指就算會升,但日圓強勢有限,而且升值步伐緩慢,大家無需要急住換大量日圓「傍身」,如果真係有遊日打算,可以換少量先,到出發前再換多少少,除開其實都抵玩。

銀行定找換店?日圓唱錢Q&A

講咗咁耐唱錢時機,其實去邊唱都一樣咁重要!以下有幾個溫馨提示,希望幫到大家以最抵價錢換到最多日圓啦!

01. 外幣匯率幾行數,換錢睇邊欄?

港元兌日圓的話看的是銀行賣出價,當中還有分「電匯賣出」(指你有該行外幣戶口,可從外幣戶口兌換)及「現鈔賣出」(即沒有外幣戶口)。而「電匯賣出」會比「現鈔賣出」划算,所以看兌換率時記得留意自己是否該擁有該銀行外幣戶口,不然分分鐘會空歡喜一場!

02. 邊間銀行最抵?

每間銀行的兌換率都不同,所以兌換前可先上ttrate網站查看各大小銀行及找換店的兌換率。要留意的是,有些銀行會對非該銀行客戶收取手續費,所以兌換前應計好度好。

要留意的是,銀行內的日圓存貨有機會不夠,所以出發前可先致電銀行查詢及預約,免得要來回多次浪費更多時間。

ttrate網站一次過列出全港大部分銀行兌換率,唔怕會睇漏眼啦!

03. 找換店平過銀行?

說到找換店,百年找換店一定榜上有名。百年之所以受歡迎主要原因是這裏不收手續費,而且匯率通常都比銀行好,所以吸引不少人去百年兌換外幣。除了百年,坊間亦有不少找換店,比較起來的確不及百年,不過凡事總有例外,例如位於尖沙咀的一間叫堅成找換有限公司的的店,匯率就長期靚過百年。不過除了看兌換率,也要考慮時間和交通費,除非你換大量,又或者剛巧在附近出現,不然分分鐘車錢都蝕埋啊!

以28/12的兌換率來比較,就見到堅成較便宜。

百年找換店
地址:中環德輔道中61-65號華人銀行大廈1703室
電話:2523 3403
網址:http://bcel1985.blogspot.hk/(匯率每日更新)

堅成找換有限公司
地址:九龍尖沙咀36﹣44彌敦道重慶大廈87號鋪地下
電話:2368 0084 或 2368 3712
網址:http://www.ksme.hk/index_hk.html

 

早前亦有網友報料,指深水埗都有間匯率唔錯嘅找換店,網友曾經喺呢間遇到比百年更好嘅匯率。佢講緊嘅就係發達鳥找換店

但睇返28/12嘅匯率,就冇百年咁好,所以話好匯率真係可遇不可求!

發達鳥找換店
地址:九龍深水埗長沙灣道 226-242號深之都商場 2樓 129號舖
電話:39564334 或 69996148
網址:http://www.richbirdhk.com/3287932097.html

04. 去到機場先換得唔得?

當然可以,不過就要有心痛的覺悟!香港人日忙夜忙,好多時起飛前一刻還在公司拼搏,不過要知道即場到機場的Travelex兌換率比市區的銀行或找換店都高出約3%,大家要諗清楚啊!

不過,假如你真的沒有時間到銀行或找換店兌換,其實可以於出發前兩天花5分鐘於Travelex的網站預約,然後出發當日到機場領取,好處是兌換率較貼近銀行價,又不用特意抽時間去換,最啱繁忙的香港人啊!

預約網址: http://www.travelex.com.hk/HK/Home/

05. 去到日本換又如何?

千萬不要做傻事啊!以成田機場為例,28/12的兌換率是0.7622!以兌換10萬日圓為例,在香港銀行兌換的話大約要$6,432,但在日本機場兌換,則要$7621,貴了約$1,189!即使是日本市區,兌換率也一定不及在香港,所以未到最後關頭都不要在日本當地換啊!

06. 最後一著:在日本當地用香港提款卡/信用卡提款

要是真的帶不夠現金,又不能用信用卡,可考慮用香港提款卡/信用卡提款到當地ATM提款,匯率通常以交易日計算。凡印有《Visa》、《Plus》、《美國運通卡》、《JCB》、《銀聯卡》、《Discover》、《Diners Club》、《Master Card》、《Maestro》及《Cirrus》標誌的信用卡或銀行提款卡,都可以透過日本全國7-11便利店內的21,000多部Seven銀行ATM提取現金。

不過提款前要注意,除了日本ATM會收取及發卡銀行都可能會收取1-2%不等的手續費,而且在出發前記得在櫃員機、網上銀行開啟海外提款功能,並設上限。另外以信用卡提款會當作現金透支即日開始計算利息,千萬要小心。

07) 得返港幣喺身?Family Mart 幫到你!

如果你真係買到連卡都碌爆,提款卡都冇錢,只要你身上有外幣,都仲有得救!日本全家便利店( FamilyMart )計劃設置自動外幣兌換機,畀遊客全年365日、24小時喺店內兌換日圓。首先會於東京首都圈4家分店設置,採用外幣兌換公司Travelex Japan嘅兌換機,可將港幣、人民幣、新台幣、美元、歐元、韓圜、泰銖、菲律賓披索、馬幣、澳元、英鎊、加元等13種貨幣兌換成日圓。