【東京放題】一個價錢食到飽,係放題嘅最大吸引力!日本嘢好食到停唔到口,想一食再食?咁就唔好錯過東京都內嘅平價高質放題店喇!除咗燒肉放題、刺身海鮮放題,就連和食都有放題!玩到攰,係時候填飽個肚喇!

撰文:yuri|圖片來源:

10間抵食東京放題店

1|Koe’ lobby【涉谷】

Koe’ lobby係2018年2月先開設嘅新店,由代官山人氣法國餐廳Ata主廚掛川哲司主理。呢間店喺早餐時段(7:30am-11:00am)提供連稅594円(約HK$42)嘅麵包buffet!

Buffet包括厚切多士、餐包、英式鬆餅等5種常備款。由3樓嘅酒店廚房開始製麵糰,然後攞到1樓烤焗,所以喺呢度食嘅麵包,幾乎全部都係新鮮出爐!配合多種口味果醬,同自家製植物性牛油,可以嘆番個高質早餐。

Koe’ lobby
地址:東京都渋谷区宇田川町3-7
營業時間:7:30am-11:00pm(10:30pm last order)/早餐時段:7:30am-11:00am
休息日:全年無休
網頁:hotelkoe.com/food/

2|もうやんカレー【涉谷】

於東京都內有好幾間分店嘅人氣咖喱店もうやんカレー,以涉谷246店為首,推出午市buffet!連稅1,000円(約HK$70),女性及小童顧客更可獲贈飲品!

Buffet形式為首,先攞取餐碟,然後自由地裝盛咖喱、米飯、印度烤雞、沙律等料理。使用咗香味蔬菜、原創熟成香料慢煮而成嘅咖喱味道相當一絕!日本人更評論為「食過一次就會上癮」!

もうやんカレー246
地址:東京都渋谷区渋谷1-7-5 セブンハイツ1階
營業時間:11:30am-3:30pm(3:00pm last order)/6:00pm-11:30pm(10:30pm last order)
休息日:逢星期日
網頁:moyan.jp/

3|カオタイ【高田馬場】

連稅只需920円(約HK$64),就可以喺午市時間食到正宗泰國料理放題!喺充滿異國風情嘅店裡品嘗料理,感覺就好似去咗泰國咁!食得太多餐和食,想轉下口味嘅話,不妨試下呢間抵食泰菜!

另一方面,店內提供嘅料理每日都唔同,每次造訪都能夠品嘗到唔同風味嘅料理。除咗唔同嘅泰式小食,各式麵類、飯類等,都獲得唔少食客好評!

カオタイ
地址:東京都新宿区高田馬場2−14−6 アライビルB1/F
營業時間:11:30am-3:00pm(2:30pm last order)/5:00pm-11:00pm(10:30pm last order)
休息日:全年無休
網頁:spiceroad.co.jp/

4|隠れ房【新宿】

呢間餐廳提供較少見嘅和食料理放題,價格為平日1,300円(不連稅・約HK$91),星期六、日、假期1,500円(不連稅・約HK$105)。常備嘅料理竟然多達35種!啱晒揀食咩要揀十年嘅「選擇困難症」朋友們啊!

Lunch buffet為90分鐘制,於11:30am-2:30pm(2:00pm last order)期間可以大吃大喝和食料理!薯仔燉肉、豚肉生薑燒等日式家庭味道都可以食勻晒,簡直係和食愛好者嘅天堂!

隠れ房
地址:東京都新宿区新宿3-15-11 アドホック新宿ビル7/F
營業時間:
(午市)每日11:30am-3:00pm
(晚市)5:00pm-11:30pm(星期一至六)/5:00pm-11:00pm(星期日、公眾假期)
休息日:全年無休(年末年始營業時間將有所不同,請事先查詢)
網頁:dd-holdings.jp/shops/kakurebo/shinjyuku

5|crayon house organic restaurant 広場【表參道】

位於表參道crayon house地下1樓嘅餐廳広場,於11:00am-2:00pm(星期六、日、公眾假期10:30am~)嘅午市時間,會提供使用咗有機食材製作而成,對身體非常有益嘅料理buffet!

店舖提供嘅料理每日都唔同,每次光顧都可以品嘗到不同味道。除咗蔬菜小食等料理,就連飯同味噌湯都可以任食任飲!價錢只需1,500円(約HK$105)就食到健康又美味嘅料理!

クレヨンハウスレストラン 広場
地址:〒107-8630 東京都港区北青山3-8-15 クレヨンハウス東京 B1/F
營業時間:11:00am-2:00pm(午市)/2:40pm-5:30pm(下午茶)/5:30pm-11:00pm(晚市・10:00pm last order)
休息日:無休(年末年始除外)
網頁:crayonhouse.co.jp/shop/pages/restaurant.aspx

6|Kikori no Ouchi【新宿】

呢間主打芝士同和牛嘅創作料理店Kikori no Ouchi,只要喺午市時段order主菜料理(1,080円起・約HK$76),就可享有種類豐富嘅沙律吧同芝士火鍋放題!

可供選擇嘅主菜包括一共6種pizzas、燒牛肉丼飯、紅酒燉肉。沙律吧共有20種蔬菜,只係食個沙律吧都幾乎夠食飽!推薦蘸滿濃厚芝士,先再一口食落肚!

Kikori no Ouchi(きこりのおうち)
地址:東京都新宿区西新宿7-5-5 プラザ西新宿 B1/F
營業時間:12:00nn-2:30pm(2:00pm last order)/5:00pm-12:00mn(10:30pm last order)
休息日:無休
網頁:idealkitchen.jp/shop/cheesekitchen_b.html

7|TEXMEX FACTORY【涉谷】

TEXMEX FACTORY係可以品嘗到發源於美國嘅墨西哥料理「Tex-Mex cuisine」,平日午市時間限定,可以1,280円(約HK$90)品嘗到連飲品嘅墨西哥卷餅放題!

放入墨西哥卷餅嘅餡料食材可自己挑選,而配搭組合竟然多到135款!店內粉紅色牆裝修亦係吸引點之一。放題時間為11:30am-3:00pm。

TEXMEX FACTORY
地址:〒150-0041 東京都渋谷区神南1-19-3 ハイマンテン神南ビル2/F
營業時間:11:30am-11:00pm
休息日:無休
網頁:texmexfactory2016.com/

8|ひゃくてん【豪德寺】

特別推介呢間店畀「無肉不歡」嘅朋友們!ひゃくてん係一間燒肉店,平日只需990円(連稅・約HK$69),星期六、日、公眾假期1,080円(連稅・約HK$76)就可以大嘆午市燒肉放題!

午市燒肉放題提供嘅肉類有豬心、豬肝、豬頸肉等共8種,首先選擇1種鍾意嘅肉類,燒完後,再叫下一種肉,以逐碟換嘅方式落order。放題於11:30am-2:30pm(2:00pm last order)期間推出,而且,同燒肉一齊食嘅米飯、湯、小食等等,同樣以放題形式提供!

ひゃくてん
地址:〒154-0021  東京都世田谷区豪徳寺1-41-5 工藤ビル1/F
營業時間:11:30am-2:30pm(星期一至五)/11:30am-3:00pm(星期六、日、公眾假期)(Last order為關門前30分鐘)
休息日:不定休
網頁:r.gnavi.co.jp/30pj82b20000/

9|Pungumu本店【新大久保】

呢間店專食韓國料理,只需1,100円(連稅・約HK$77)就能喺午市時段品嘗到30款以上嘅韓國料理!午市時間為11:00am-4:00pm(3:15pm last order)。

韓式年糕、韓式煎餅、韓式炒牛肉、韓式雜菜炒粉絲等等,各種各樣嘅韓國料理可以一間店就食勻晒!店內更有提供每日更換嘅菜單,以及根據季節變化推出特別菜單。飲品亦同樣係放題形式任飲!

プングム新大久保本店
地址:〒169-0072東京都新宿区大久保1-10-15 2階
營業時間:11:00am~翌日5:00am(翌日4:30am last order)/11:00am-4:00pm (3:15pm last order)(午市)
休息日:無休
網頁:pungumu.com/

10|たいこ茶屋【馬喰町】

只需連稅1,300円(約HK$91)就可品嘗到午市海鮮放題!店舖提供嘅刺身同海鮮,係每日新鮮運到,而且每日提供不同種類食品。唔使HK$100就食到新鮮刺身、海鮮放題,真係抵到爛呀!

除咗海鮮之外,仲有每日轉款嘅小食、沙律、味噌湯、甜品等等,款式之多,係你食到再食唔落都仍然未厭倦!就連白飯、醋飯都係放題形式提供,可以製作自己鍾意嘅海鮮丼!每朝10點就會派發記載咗入店時間嘅整理券,限制時間為50分鐘。

たいこ茶屋
地址:東京都中央区日本橋馬喰町2-3-2セントピアビルB1
營業時間:11:30am-2:00pm/5:00pm-11:00pm
休息日:不定休
網頁:taikochaya.jp/

延伸閱讀:【豊洲市場】記者直擊!新市場正式開幕 場內設施大解構|附食店位置、詳細交通方法

延伸閱讀:熊本旅行必睇!10大日本美食住宿推介

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

去東京有什麼好去處及景點推介?

未諗好去邊好,可以看留意東京自由行最新大行程東京必食美食淺草橫町美食街東京年度拉麵店東京蟹店推介。想去東京迪士尼的話,大可一看東京迪士尼樂園門票攻略領取全新3大門票Pass方法。喜歡購物則可到東京Outlet;要是想過一個輕鬆的旅程,可到箱根溫泉旅館。準備到日本賞櫻花的大家,可預先一看日本櫻花花期預測