今時今日好多人去旅行都會於 Airbnb 訂民宿,因為又便宜又方便,不過一個不小心好易會中伏!早前就有網民於出發前被屋主臨時取消預訂(詳情:日本 Airbnb | 網民訴苦:出發前一星期被取消預訂!),其實還有不少 Airbnb 訂房陷阱 ,馬上和大家看看!

個案01 | 巴黎專員歌莉亞:有圖無真相!要留意房間結構

經歷:訂過一間巴黎民宿,看照片有兩間房,但去到發現只得一間房,另外那個其實是客廳,加張梳化床就當成房間,兩個人去有一個要做廳長!感覺沒有私隱,和家人去就沒有所謂,但如果跟同事去公幹還真的有夠尷尬。

建議:訂房前要留意房間結構,不要被照片騙到,如果有懷疑就問清楚屋主。

個案02|  旅客Carol@土耳其:黑心屋主污糟屋!要細閱真住客評價

經歷:有次一家三口去土耳其玩,訂了一幢4層高大屋,看照片很有豪宅feel,但到埗後竟然是一棟窄巷內的污糟舊樓!勉強住了一晚,第二日和屋主投訴才可以住回原本那間屋。去到見有住客在收拾行李準備走,明顯是 Double Booking 後的招數!

建議:去到先發現間屋不是自己訂那間,可能因為屋主同時將間屋租給兩方人,再迫其中一方住cheap一點,望你嫌煩不想換屋。所以選擇民宿時記得查看之前住客寫的評價,以免遇到無良屋主!

個案03 | 東歐專員茄:旺季要趁早!平嘆靚民宿

經歷:有次七月去東歐黑山玩,撞正旺季酒店非常昂貴,幸好於Airbnb搵到一間海邊的房子,有無敵海景,設備新淨齊全,而且近市中心好方便,價錢更比酒店平。雖然沒有room service,但有海景已值回票價!

建議:如果碰上旅遊旺季,記得預早幾個月預訂住宿,會有較多選擇,較易找到高質素房源。此外建議選「靈活」退款政策,格價後想轉第二間也沒有問題!

個案04 | GOtrip Fans@澳洲:明明是$700,為何收我$1,000!?

經歷:其實Airbnb會清楚列明房租、清潔費及服務費,為何還有機會中伏?原來有灰色地帶,曾經有澳洲個案在訂房時已收取350澳元清潔費,但最後竟然被要求多收200澳元,細問下才發現,原來本身只包1.5小時清潔,因為OT 2小時,所以要追加收錢(他做得慢又關我事?),簡直超級無良!

建議:此類型的糾紛,只要屋主有「合理」原因及證據,Airbnb 就會傾向屋主一方,自己就白白有損失啦!所以建議下訂前記得要逐一問清楚,額外收費記得要列明細項!

個案05 | GOtrip 讀者分享@悉尼/荷蘭:臨時取消booking,錢都冇得退!

經歷:有數位網民表示曾經於出發前遭屋主取消booking,有屋主更在沒有通知租客的情況下取消,又有個案是到達當地後聯絡不到屋主,以致要露宿街頭,破壞美好的旅程。

建議:Airbnb 設有24小時熱線幫你立即搵第二間屋,亦可以使用Airbnb Apps 內的即時小幫手,必要時可以尋求協助。但始終Airbnb上的民宿大多屬無牌經營,入住要承擔風險。

個案06 | 負面留言被刪去,房間評價信唔過

經歷:有網民就試過入住後發現貨不對辦,因此於Airbnb上留下評價,豈料留言中的負評成分被刪走,只剩下正面的評語,該網民向Airbnb反映後不果,更被刪去帳戶,十分黑暗!

建議:民宿照片上如有Airbnb水印代表照片是Airbnb攝影組拍攝的,所以選呢類民宿會比較有保障;另外亦不要盡信住客的留言,因為有可能是屋主造假,可以上屋主Facebook看看,了解對方是甚麼人,然後才預訂。