就算唔係《One piece海賊王》Fans,都一定對呢套風靡全球各地動漫迷略有所聞。每次推出海賊王嘅商品,都會引起 Fans 熱烈追捧。韓國蛋糕店 DevilCakeMall 就以故事中的惡魔果實為藍本,推出造型像真度超高的蛋糕!

睇蛋糕真身之前,不如睇下出現喺動畫入面嘅惡魔果實係點樣嘅先。

圖片來源:海賊王動畫截圖

馬上對照 DevilCakeMall 的實體版蛋糕!

就咁睇外型已經會令海賊王 Fans 乖乖拎銀包出嚟俾錢!整得好仔細,不論係紋理定顏色,完全將 Fans 心目中嘅惡魔蛋糕呈現出嚟!

切開入面係兩款唔同味道嘅蛋糕,橡膠呢款係朱古力味。

1.橡膠果實蛋糕

燒燒果實則係朱古力加雲呢拿味。

2.燒燒果實蛋糕

呢兩款蛋糕喺韓國好受one piece海賊王Fans嘅歡迎,亦只接受網上預訂!不過好多人(包括編輯)都入唔到官網,經過一輪起底,網上最近一次試食分享都係一個月前嘅事,所以要食到呢款惡魔果實蛋糕,就唯有等官方有進一步消息時再向大家報告!