日本花式滑冰王子羽生結弦於7月19日宣布退役,表示不再參加各項競技比,在日本及世界各地的大批粉絲都表示不捨。年僅27歲的羽生結弦已經成就非凡,私下原來有不少舉動都非常貼心、可愛,令人心動,難怪多年來都有大批忠實粉絲支持他。

羽生結弦
(圖片來源:Getty Image)

羽生結弦 羽生結弦在2022北京冬奧失準痛失金牌不甘落淚
羽生結弦在2022北京冬奧失準痛失金牌不甘落淚 (圖片來源:YouTube@TVB (official))

1. 小熊維尼狂迷

好多fans 都知道,羽生結弦係小熊維尼的粉絲,見到維尼就有安心的感覺,出門前會同維尼講:「我出發喇!」比完賽仲會向維尼鞠躬!羽生結弦每次比賽都會帶著小熊維尼紙巾盒入場,但因為今次比賽怕太明顯的卡通角色會有廣告嫌疑,所以冇帶到上陣。不過羽生結弦比賽之後的訪談就話,其實今次帶的蛋糕紙巾套,原本都係小熊維尼來的,只不過拆咗上面的維尼同小豬,真係超可愛!

日本 羽生結弦
同其他選手的合照,都要帶埋維尼!(圖片來源:Ig@ondrejhotarek)

2. 超暖師弟控

平昌冬奧的花式滑冰男子組,冠亞軍都由日本奪得,亞軍是羽生結弦的同門師弟宇野昌磨,2009年兩個人同台領獎的時候,羽生已經好照顧師弟,同師弟微笑握手。

日本 羽生結弦
2009年同師弟同時獲獎的一幕,亦被日媒捕捉到!(圖片來源:YouTube@Jenlikestoedit截圖)

而在2018年羽生和師弟一齊獲獎,羽生結弦對師弟寵溺地摸頭一幕,更被好多網友cap圖,充滿兄弟愛。最近羽生結弦接受訪問的時候,被問到與宇野昌磨的關係時,羽生更加話宇野「真的好可愛好可愛」,仲話比起弟弟,反而當佢係可愛的小狗,可見兩人的關係真的很好!二人同場的時候,更加可以見到羽生結弦對師弟的寵溺,幫佢捲手袖、整理獎牌等,係愛啊!

日本 羽生結弦
兩人相處的畫面,好有愛!(圖片來源:YouTube@Jenlikestoedit截圖)

3. 不搶其他運動員鏡

作為媒體爭相採訪的焦點,羽生結弦完全唔會搶曝光率,反而因為師弟要做採訪,寧願低調地在地上爬,都唔想干擾採訪,非常貼心。

日本 羽生結弦
為了不影響宇野昌磨的採訪,羽生結弦竟然喺地上爬!(圖片來源:YouTube@Jenlikestoedit截圖)

日本 羽生結弦
這麼可愛的舉動,被日本媒體捕捉了!(圖片來源:YouTube@Jenlikestoedit截圖)

4. 捐出粉絲送的禮物

自2014年開始,羽生結弦的fans就會好有默契地,每次比賽完後,都會掟入小熊維尼送畀羽生。而平昌冬奧的數量更加係前所未有的多,就好似落了一場維尼雨!羽生結弦會在上屆平昌冬奧收到過百個小熊維尼後,再捐番畀韓國平昌當地嘅兒童福利組織,將fans的愛分享出去!

5. 私下個性超可愛

比賽期間唯美的姿勢迷倒不少人,而私下的個性同樣可愛!日本節目《ゴン中山&ザキヤマのキリトルTV》就拍攝了他比賽前會聽One Ok Rock的〈完全感覺〉(Dreamer)放鬆,邊行邊大聲唱的樣子超可愛!

日本 羽生結弦
比賽前一定會聽歌,放鬆一下!(圖片來源:《ゴン中山&ザキヤマのキリトルTV》截圖)

日本 羽生結弦
咁激動的羽生結弦,你又見過未?(圖片來源:《ゴン中山&ザキヤマのキリトルTV》截圖)

日本 羽生結弦
唱得太忘我,連主持人都嚇親!(圖片來源:《ゴン中山&ザキヤマのキリトルTV》截圖)

日本 羽生結弦
見到宇野昌磨坐唔到上去,忍唔住大笑,笑聲相當魔性!(圖片來源:YouTube@Jenlikestoedit截圖)

日本 羽生結弦
宇野昌磨害羞到面都紅晒!(圖片來源:YouTube@Jenlikestoedit截圖)

6. 多次負傷不放棄

對於羽生結弦的成功,好多人都會以「天生選手」去形容。不過,其實歷年來經歷了多次受傷,今年參加冬奧前,亦曾經因傷消失了幾個月,而被外界猜測會退賽,好在最後都成功衛冕。而最經典的一次負傷比賽,就是2014年的Cup Of China LP,當時頭同下巴都受傷要縫針,就算教練要佢退賽都拒絕,堅持上陣,果然好令人佩服!


7. 自傳版稅全數賑災

來自日本仙台的羽生結弦,曾經經歷了311大地震,而他出版的個人寫真集及自傳,所有版稅都捐給了災民,果然除咗有實力,更加係好有善心!

8. 運動員兼學霸

作為一個出色的運動員,羽生結弦完全可以以體育上的成就入大學,不過佢就係憑自己的努力,成功考到好成績,入到早稻田大學,修報人類情報科學。雖然因學分不夠要延畢,不過佢已經好努力!

羽生結弦以往受訪的片段也被翻出:

9. 《東京喰種》忠實讀者

同好多差唔多年紀的年輕人一樣,羽生結弦都好喜歡睇漫畫,而佢私下更加係《東京喰種》的忠實fans,連作者石田翠都喺Twitter上畫了一張羽生結弦的漫畫肖像!

10. 經常大跳戀舞

雖然羽生結弦一直冇公開戀愛生活,不過佢嘅前隊友織田信成,就喺節目中,公開新垣結衣係羽生結弦的理想型,之前更多次被拍到大跳戀舞!

日本 羽生結弦
同好多人一樣,羽生結弦的理想型都係結衣BB!(圖片來源:《逃避是可恥但有用》劇照)

羽生結弦私下性格超可愛?

羽生結弦係小熊維尼的粉絲,見到維尼就有安心的感覺,出門前會同維尼講出發喇!比完賽仲會…詳情請看

羽生結弦往後有什麼新發展?

羽生結弦於記者會中正式宣布退役,他在會上感謝媒體和支持者的擁戴,並表示今後將會轉為…詳情請看

圖片來源:Getty Image、YouTube@ TVB (official)、Ig@ondrejhotarek、《ゴン中山&ザキヤマのキリトルTV》截圖