延伸閱讀：龍脊行山路線7大必知事項｜ 路線、難度、交通資訊 、靚景打卡位一次過睇
撰文：CY｜圖片授權：facebook@Samuel Sye
龍脊驚現龍爪木雕 網民轟似風水陣 漁護署終於回應
【8日19時更新】漁護自然護理署（漁護署）隨後回應事件，詼諧表示「大家唔使估啦，佢係用颱風倒塌樹木建造嘅組裝擺設」，間接承認這隻引起網民熱烈討論的龍爪木雕的確由漁護署放置。漁護署文中亦承認錯誤，表示今次擺設屬於實驗性質，最終發現「因為同附近嘅自然環境唔夾，所以已經拆除」，並指「因為我地知道，龍脊嘅靚景先係賣點」。
不過網民對漁護處詼諧回應並不買帳，大鬧這次「試驗」浪費公帑，話：「用木樁整多幾張木櫈畀人坐下仲好啦！」
【8日16時更新】本地多間媒體今日（8日）跟進報道，綜合報道內容，今日下午有數名工人前往移除「龍脊龍爪」，擺放時長僅3日。由於「龍脊龍爪」並冇標示及介紹，因此未能得悉該木雕的來歷。
（點擊圖片向左拉動看相片）
山友攝下龍脊龍爪 大鬧九唔搭八煞風景
近日有行山人士途徑石澳龍脊半山，見到多了一個貌似龍爪的大型木雕，大歎煞風景，九唔搭八之餘，又嘥錢，隨即分享到facebook群組讓一班網民齊齊討論。
網民懼是風水陣：搞壞香港風水
見到網民留言真係「百感交集」，有網民諗起周星馳，話木雕用來「紀念周星馳揸波龍爪手」，又有人話用來「接收火星天線」，不過較多人認為似風水陣，用來搞壞香港風水。
網民猜測似層層 有根有據、細思極恐
雖然有人話風水之說不能完全作準，不過網民都講得相當似層層，簡直細思極恐。編輯精選部分網民留言，大家又覺得有冇道理呢？
一隻鬼爪從龍脊穿出，龍脈應聲而斷，大凶之兆。
明顯破壞風水嘅嘢啦！反肚……維港毒蛇陣……靈龜落山……
條龍都反埋肚，隻龜都俾蛇攻擊緊，隻蛋好快不保了。
風水局，撳住龍背，等條龍跳唔起。
龍有五爪，三爪未必是龍，可能是香港保護神大鵬金翅鳥的爪。
龍反肚、哀爪求；國之敗象，香港被牽扯其中，何其不幸。
網民提及心經簡林：其實都係毒蛇陣
其實不止這個「龍脊龍爪」，有網民更在留言再次提起鳳凰嶺心經簡林，指「昂坪心經簡林，釘住鳳凰條頸」，此說更獲風水師力證。更有網民估計香港處處都有風水陣、毒蛇陣，目的就是要「搞死香港」，不過孰是孰非就無從得知了。
延伸閱讀：龍脊行山路線7大必知事項｜ 路線、難度、交通資訊 、靚景打卡位一次過睇