【香港美人魚體驗】炎炎夏日自然不少得水上活動,最近有不少香港人有興趣跳落泳池,戴上魚尾化身「美人魚」,就算不懂游泳都可以參加,而且活動更無分性別,一大班港男港女在池中扭動,期間仲有專業攝影師在水中幫手打卡影相,場面好墟冚!先不多講,即刻拉落內文睇相先!

撰文:CY|圖片來源:Holimood

香港美人魚體驗|唔識游水都可參加!化身美人魚水中打卡影靚相

美人魚課程在近幾年好受歡迎,加上入門門檻低,不懂游泳或自由潛水都可以參加學習,自然成為夏天大熱的休閒活動。講明美人魚課程,參加者可以穿上魚尾,跳落泳池擺動身體,單望畫面真係夠晒夢幻!

穿上魚鱗褲,隨便影相都似美人魚!(圖片來源:Holimood)
穿上魚鱗褲,隨便影相都似美人魚!(圖片來源:Holimood)

背面望過去畫面超優美!(圖片來源:Holimood)
背面望過去畫面超優美!(圖片來源:Holimood)

要擺出以上姿勢實在不容易,皆因始終不是雙腳,要落水扮人魚,都要識如何扭、如何伸展先可以。要扭得靚、似人魚,就要用到腹部、背部及臀部肌肉,並學識「成為人魚」的技巧。

睇相見到泳池入面仲有個猛男攝影師幫你紀錄你扭動的片段,相信再辛苦都值得啦!(圖片來源:Holimood)
睇相見到泳池入面仲有個猛男攝影師幫你紀錄你扭動的片段,相信再辛苦都值得啦!(圖片來源:Holimood)

雖則話活動男女都可以參加,不過相信穿上靚靚比堅尼打卡影相,似乎更加命中女生的內心。參加者可以自行搭配魚尾色系,與一班閨密姐妹齊齊扮小美人魚。

可以同閨密隨時打卡留念。(圖片來源:Holimood)
可以同閨密隨時打卡留念。(圖片來源:Holimood)

齊齊打卡,畫面似麗花皇宮。(圖片來源:Holimood)
齊齊打卡,畫面似麗花皇宮。(圖片來源:Holimood)

扮美人魚原來不止玩玩下,整個美人魚課程由MFI國際認證的人魚教練親自授課,課程動作由淺入深,容易上手。

再靚的天鵝都要經歷醜小鴨的階段,要成為一條靚嘅美人魚,睇嚟都要經歷下「曬鹹魚」的階段。(圖片來源:Holimood)
再靚的天鵝都要經歷醜小鴨的階段,要成為一條靚嘅美人魚,睇嚟都要經歷下「曬鹹魚」的階段。(圖片來源:Holimood)

要參加活動大約$850包3小時專業教練指導,另外更包教材、證照、裝備和魚皮體驗,上堂地點都有兩個供選擇,橫跨九龍新界,有將軍澳及何文田。有興趣可以點擊連結了解課程細節!

香港美人魚體驗

價錢:$850
預訂連結:http://p.nmg.com.hk/afm138