主題樂園深受港人歡迎,近日有位港媽帶2歲幼女到迪士尼遊玩,其中排到機動遊戲「彈弓狗」時,被職員以安全理由拒絕港媽手抱幼女乘坐遊戲設施,最終二人失落地離場。其後港媽在社交平台上公開事情細節,並指職員做法及態度有問題,導致小朋友失望而回。一心打算「警世」兼圍爐,卻失敗告終,更遭網友一面倒反斥過份縱容小朋友,指「人哋就係要確保安全,出事邊個負責」。

港媽 港媽在社交平台上大呻職員做法及態度有問題,導致小朋友失望而回
港媽在社交平台上大呻職員做法及態度有問題,導致小朋友失望而回(示意圖,非當事人)(圖片來源:TVB《寶寶大過天》劇照 )

港媽欲抱2歲幼女玩「彈弓狗」 遭職員以安全為由「請離場」

該名港媽在Facebook群組「我真係好鍾意迪士尼資訊分享群」中發文,指出當天足足等候了45分鐘才排到Toy story主題的「彈弓狗」機動遊戲,由於小朋友只有2歲,上車時欲手抱幼女一同乘坐,惟即被職員上前以安全理由要求幼女獨立坐下。但經過一番「又氹又呵」的遊說下,幼女依然不願就範,更當場痛哭。由於職員全程在旁企定定「望到實一實」,二人無奈下最終只好離開。不過令港媽最不滿的是「個職員見我哋走,就即刻拉開門話要走就行呢邊」,斥其語氣及態度強硬。

港媽 Toy story主題的「彈弓狗」機動遊戲,深受大眾歡迎
Toy story主題的「彈弓狗」機動遊戲,深受大眾歡迎(圖片來源:香港迪士尼樂園官方照片)

迪士尼樂園職員態度強硬 勸告須跟隨安全指引

港媽指,當刻因感受到眾人的壓力,為了不影響其他人只好失望離開。而爭拗點則在職員的態度上。她指「件事其實係咪可以處理得好啲?語氣可唔可以唔好咁硬咁麻木,或者可以比我地上返去同小朋友傾下等下轉再試下?」,最終令大人及小朋友都非常不開心。她再補充指「小朋友細粒每次都可以抱」,佢真係唔問心到「連影相都唔肯望鏡頭」。

港媽 事後港媽大呻職員的態度強硬及語氣麻木,母女二人下車後便馬上指示她們離開
事後港媽大呻職員的態度強硬及語氣麻木,母女二人下車後便馬上指示她們離開(示意圖,非當事人)(圖片來源:香港迪士尼樂園官方照片)

圍爐失敗引大量負評:「世界並非圍著你轉」

帖文一出即引起大量負評,不少網友都支持職員做法必須強硬,因為隨時發生意外,又指出其實樂園內很多較為溫和的機動遊戲,例如降落傘、小飛象、蟻俠等,都需要小朋友獨立坐下,職員只是遵循守則。網友都一致認為「講到Safety一定係要強硬㗎啦,有咩事你個女飛咗出去CM點負責?」,又直斥小朋友失望並非職員做成,是家長無事先與小朋友溝通,大安旨意所造成。

港媽 有網友直指家長不應過份縱容小朋友
有網友直指家長不應過份縱容小朋友(示意圖,非當事人)(圖片來源:JTBC《我們,愛過嗎》劇照)

至於職員的態度問題,網友更是突出盲點,指「你行落車,自己唔request 排下轉,佢請你離開都好正常」、「你知會阻住人,咁你仲想試(阻)多幾多次先心息?」。有家長則直言「彈弓狗個條safty bar係海盜船級,小朋友時容易chok一chok「銀」到條bar佢內傷都似」,十分危險。

港媽 有網友則認為「彈弓狗」有很大離心力,小朋友同大人都會坐到驚,表示理解家長心情,但安全依然是第一位。
有網友則認為「彈弓狗」有很大離心力,小朋友同大人都會坐到驚,表示理解家長心情,但安全依然是第一位。(示意圖,非當事人)(圖片來源:TVB《寶寶大過天》劇照 )

彈弓狗離心力不容忽視:好似海盗船級數

有網友直指家長不應過份縱容小朋友「好多人以為著咗公主裙就真係變咗公主,公主病上身,要全世界就佢。」,反而要藉著這個機會教導幼女「唔肯坐所以冇得玩」,世界並非圍著她轉,要她明白其他人也等待長時間才可以玩。有網友則認為「彈弓狗」有很大離心力,小朋友同大人都會坐到驚,表示理解家長心情,但安全依然是第一位。

撰文:JY圖片來源:TVB《寶寶大過天》劇照 、香港迪士尼樂園官方照片、JTBC《我們,愛過嗎》劇照