自從 T.O.P 入伍後,係咪已經開始好掛住 BIGBANG 5子,好想佢哋快啲 comeback 呢?等待嘅過程總係漫長而痛苦嘅,一於親身去韓國尋找 oppa 嘅足跡啦!今次搵出佢哋 MV〈We Like 2 Party〉場景,住埋 oppa 住過嘅酒店房,價錢仲要唔貴,就可以瞓 GD 瞓過嘅床喇!各位 BIGBANG 粉絲 ,跟實以下 3 個 遊濟州必試 追星推介啦!

圖片:新假期資料庫、〈We Like 2 Party〉MV截圖

01 | 瞓 GD 龍床 浸 T.O.P 浴缸 - 濟州西歸浦酒店

想當初睇住〈We Like 2 Party〉嘅MV,見到 oppa 喺酒店床捵來捵去,在私人泳池玩完又玩,已經好恨跟佢哋入住同一間酒店,甚至係同一間房!酒店位於西歸浦嘅 Bayhill Pool & Villa,問過酒店職員,BIGBANG 入住嘅正正是最貴的單棟別墅 The Castle,仲住足 3 晚!

〈We Like 2 Party〉MV截圖

一踏入別墅,包你腦內不斷重播〈We Like 2 Party〉!4 層樓高豪宅超過 4,300 平方呎,可以住足 10 個人,一眼就見到 MV 中最重要嘅場景 — T.O.P 嘅鵝蛋形大浴缸和 BIGBANG 仝人赤裸裸上身(T.O.P 除外)嘅炸水私人泳池!

〈We Like 2 Party〉MV截圖

 講番粉絲最關心嘅房價,唔好以為呢間 10 人豪宅有齊泳池、按摩池好離地,原來 9、10 月淡季入住 ₩1,815,000/HK$12,593 起,上訂房網預訂平多 HK$1,000,除開每人千零蚊,就可以瞓偶像瞓過嘅床,1張演唱會飛都唔止啦!假如你對 BIGBANG 冇興趣,呢度遇到韓星嘅機會都極高。酒店職員指,佢哋曾接待過少女時代、東方神起、李炳憲、朱元等等。

 

Bayhill Pool & Villa(베이힐)
地址:濟州道西歸浦市下猊洞1888(제주특별자치도 서귀포시 하예동 1888)
電話:+82(0)64-801-9000
房價:普通雙人房 ₩290,400/HK$2,063 起;The Castle 別墅 ₩1,815,000/HK$12,593 起
網址:bayhill.co.kr

02 |  頭搖又尾擺 mark 實 GD 專車 - 城邑樂園玩卡丁車

跟住偶像住之餘,當然唔少得玩!西歸浦的城邑樂園有騎馬、越野車體驗,走入賣票處四周都係明星照片簽名,好似連「劉大尉」宋仲基亦曾到此一遊。繼續跟住 BIGBANG 玩卡丁車,1次玩 15 分鐘,大力踩盡油門,最快可以飆到 120 公里!不過賽道彎位多,有韓仔挑戰飄移但就撞落車呔牆上,最後要勞煩員工重新啟動引擎再出發。

城邑樂園(성읍랜드)
地址:濟州道西歸浦市表善面城邑里2045-1(제주도 서귀포시 표선면 성읍리 2045-1)
營業時間:9:30am-7:00pm(夏季);9:30am-5:00pm(冬季)
電話:+82(0)64-787-5324
價錢:卡丁車1人 ₩25,000/HK$178;2人 ₩40,000/HK$284
交通:在濟州市外巴士客運站搭乘表善行巴士720號至幻覺藝術博物館(트릭아트뮤지엄)下車,約40分鐘
網址:xn--hy1b45ci4m0kg.com

03 |  終極朝聖 靚景café - G-Dragon Mônsant Café

熟韓情的,就知道隊長 G-Dragon 榮升老闆,喺濟州島開設 Mônsant Café ! BIGBANG 粉絲當然要去一去朝聖。Café 外牆身用上濟州標誌嘅建築風格,由黑色火山石堆砌而成,三側係鏡面玻璃鏡牆,被涯月邑嘅無敵大海包圍。天氣好嘅時候,海景、夕陽反射喺鏡牆上,構成1道特別嘅「天空之鏡」。天氣好嘅日子,店員會將鏡牆打開,拍照反射嘅效果更好,店內用餐亦享受到自然的海風。

入到店內,打卡位係店中間地上嘅1塊仙人掌土坑,被餐枱圍繞亦唔覺突兀,更有好多人仿效偶像跟住影相。裝修有性格之餘,連食物質素都好驚喜。

濟州唔少 cafes 供應嘅甜品,都係購自當地流水式嘅工場,Mônsant 內所有熟食同甜品都是出自由美國受訓過嘅主廚之手。招牌菜雪山薄餅日賣過百份,幾乎每張枱都會柯打1客,半月形嘅薄餅灑上白糖霜,切開係熱辣辣粒粒分明的紅豆餡,連攝影師大哥都讚不絕口。留意!熟食只供應到下午 6 點 ,晚上只供應飲品。

Mônsant De Aewol(몽상 드 애월)
地址:濟州道濟州市涯月邑涯月北西街56-1(제주특별자치도 제주시 애월읍 애월북서길 56-1)
營業時間:10:00am – 9:00pm
電話:+82(0)64-799-8900
交通:乘市外巴士702號或邑面循環巴士966號至漢潭洞(한담동)下車,再行7分鐘即達

去韓國旅行梗要血拼!睇埋有咩優惠先:

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介