《海賊王》紅足廿年，不少動漫粉絲都會專誠去日本的 《海賊王》Café 、紀念品店捧場。依家去韓國，都有必到的朝聖地啦！在首爾弘大新開的《海賊王》Café，單睇店門甚至比日本、台灣的更加搶眼，整個海賊船「千陽號」的船頭放在店門前，足足有2層樓高！
text：港女講旅行
大滿足！超多打卡位
以為船頭只是裝飾？錯啦！粉絲更可以嘗試在船身的甲板上盡情影相，企在船頭扮船長路飛，超有霸氣啊！而且店內以仿木作為裝飾，走入去就似置身於路飛的海賊船，粉絲的天堂啊！
相機食先！必試惡魔果實蛋糕
影完相，仲可以試埋店內各式特調飲品、蛋糕、炸雞等等，不少都有《海賊王》角色的嘜頭。記者最推介惡魔果實蛋糕，仿真度十足，幻想食完變路飛！小型的只要￦40,000/HK$264，幾個朋友些牙剛剛好。店內更設有紀念品區，由模型、公仔到衣服都有，粉絲絕對可以滿載而歸。
info
Café de One Piece
地址：首爾市麻浦區臥牛山路23街101（마포구 와우산로 23길 101）
電話：+82-(0)2-6373-3106
營業時間：10:00am-10:00pm
交通：首爾弘大入口站9號出口徒步10分鐘
fb：cafedeonepiece.kr
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。