撰文：CY｜圖片來源：Facebook群組「香港 Staycation 酒店交流谷」
香港熱門酒店被網民揭爆好污糟 床頭封塵+廁所水垢黐立立
近日有網民於Facebook群組「香港 Staycation 酒店交流谷」分享入住經歷，表示自己入住西貢一間熱門酒店，發現內部好污糟，「啲床頭擺放全部都係塵，連紙巾盒都係咁，地下又有好多頭髮同小垃圾 ，沖涼擺放洗頭水都未清潔好，摸落去全部都係鹼液，黐立立，仲有地氈污糟邋遢」，實在難以形容當刻心情。
網民見到都相當震驚，皆因「呢間（酒店）仲要唔平」，衛生環境卻跟不上其高昂定價，驟眼望見甚至浮出「係咪未執房」的念頭，網民更直指「真係又貴又細又遠又污糟」，勸各位「真係可一不可再」。
有網民更爆料話早前入住已經覺得「好唔掂」，指「成條走廊好似無吸過塵咁，見過有橡筋，萬字夾，頭髮……房內張檯好似塵封咁……」，又有網民話「，我上次去，所有嘢都係黐立立」，大致經歷都與事主相近。
有網民認為遇到同類事件，應該立即向酒店反應，要求酒店安排更換房間，又指「如果冇同酒店講，放上網係唔會有改變喎」。