大學生被爆英文功課全請槍代做 HK$200 就可以保證合格
77台節目《一線搜查》近日在節目中調查了大學生「請槍」情況，發現只要在社交平台隨便輸入「代做功課」幾個字，即會找到大量廣告及宣傳，而會標明收費，幾千至幾百不等，有時更會有推廣活動，一次下單，兩個功課或以上可享 9 折優惠。節見中提到有毅進學生直言很多同學都有「請槍」，由於老師會事先提供考試題目，學生便找人事先做好考試卷的模擬答案，自己再背默出來，這樣便肯定能合格和畢業。「只要畀2舊水，就可以保證合格」，受訪者坦言其實讀毅進嘅英文底子都唔係好，好多學生都係搵人幫手，班內幾乎全班都有請槍，更指「越想認真讀越會請槍」。最誇張的是有學生「請槍」找人「扮學生」代為入場考試，「對身份證時個代考生即刻跑走」。
大學生功課太深請槍5次 曾被騙 HK$2,000
亦有其他大學生在訪問中指自己曾 5 次「請槍」，因為功課太深不會做，直指「畀幾多時間都唔識做」，每份功課要支付 HK$1-2,000。會有中間人先了解交課日期、內容、要求、預算，然後再幫學生找「槍手」，找到後便會開群組與「槍手」 3 人一起溝通，收款則是經淘寶。然而也有學生試過被騙 HK$2,000，對方坐地起價且收錢不交貨。
律師指出請人代做功課或考試屬違法 最高可監禁 14 年
律師指出請代寫手或幫別人做功課都屬於犯法，做法屬於欺詐罪，因為該行為誘使學校老師或學校讓同學得到分數或升班，令有人獲得金錢得益，學生、中介可視為串謀詐騙。同時亦犯了偽造罪行，最高刑罰監禁 14 年。
網民嘲笑：認真讀所以請槍？
網民狠批一班大學生的「請槍」行為，嘲「講得越認真讀越會請槍呢句，真係好反映到現今質素」、「歪理當道理，果然佢哋先講得麼」、「學好Brian同Brain先」。更指「真正認真讀就自己寫啦！『諗住認真讀』得個諗字，冇實際行動去履行，cheating 仲講到咁理直氣壯，醜唔醜！都唔知咩思維邏輯」、「怕畢唔到業去請代寫？咩道理？」、「真係笑死人，果然同一條腸出」。
