男大學生發現roommate反差另一面：聽落好荒謬
近日一名理工大學生在Dcard以「發現左Roommate嘅另一面」為題開post，po主指他的roommate有著十分規律的生活習慣，早睡早起連進食時間都規劃得井井有條。直到po主有一晚無意間發現原來roommate的生活習慣還包括睡前與蠟筆小新公仔「談心」！發現roommate反差另一面令他呆在當場，更直指roommate的行為「好少女」、「聽落好荒謬」。
原文內容：佢會同隻蠟筆小新傾計先瞓！
「我 roommate 真係好特別！佢嘅生活係非常 routine， 朝早7點半起身，準時11點瞓教、8點後唔食嘢、朝早一定會飲杯奶先上堂，然後臨訓前都會有啲例行工作⋯⋯
「除左刷牙洗臉呢啲基本嘢，仲比我發現咗，佢會同隻蠟筆小新傾計先瞓教！初頭其實我唔知佢會咁 因為我平時都戴住耳機打機，唔會理佢做乜，有一次咁岩啲音樂停左，我就聽到有人講野⋯⋯
「咁我就望一望佢，見到佢已經背住我瞓咗係床，初頭我以為佢係同女朋友/朋友傾緊電話，都無理到，後來我見到佢會拎住隻蠟筆小新對手仔係到郁黎郁去
roomate:『我今日去左xxx食沙嗲牛呀，係咪好想食呢！』
（小新點頭)
rm: 『你唔食得呀 會爛面架』
（小新倒地）
rm:『等疫情好返可以出國 等我帶你返日本食熊餅乾啦』
（小新好雀躍咁跳）
rm: 『我聽日又要上早 8 要訓啦 早抖啦小新』
「然後佢就攬住咗隻小新瞓覺… 聽落係咪好X荒謬？ 但真係真人真事！我當時係呆左！佢應該以為我打機唔會聽到 ，我同佢唔係好friend ，唔知到底應唔應該比佢知我知呢件事好… 怕佢尷尬、我又尷尬 ，所以當時我係邊聽扮打機， 我已經觀察左幾日 ，佢真係每日臨訓前都會同蠟筆小新傾計 ，成件事好少女😂 ，我知其實佢訓前做咩都唔關我事 只係我覺得佢真係好特別 所以想同大家share下 想知大家既roommate會唔會咁 我係咪應該繼續扮唔知⋯⋯」
可愛行為引迴響 網民大讚roommate得意有童真
雖然po主覺得roommate的「少女」習慣「聽落好荒謬」，又怕比對方知道後大家都尷尬，但大部份網民就留言大讚po主的roommate「有童真」、「好可愛」，更指roommate一定是十分「溫柔」的男生。
網民有共鳴！直言「我都會咁做」
樓主roommate的行為令大量網民心心眼，更有人推斷roommate非常純品，絕對是一位好室友！亦有網民指自己其實亦會與公仔聊天，非常正常，相信室友只是當公仔是好朋友！
