女生穿瑜伽褲行山成熱潮 網民大指不恰當！
近年，貼身瑜伽褲興起，不少女性認為瑜伽褲既顯身材又方便，故除了做運動之外，身邊都有朋友會當便服穿。不過最近有位網民在連登討論區發文，指女生穿瑜伽褲行山不恰當，直言「唔明點解有人會著yoga褲同converse鞋去行山」，該網民更分享行山正確裝束，不過卻惹來部分網友不滿！
樓主分享行山正確衣著
有網民在連登討論區發帖文，以「其實點解有人會著yoga褲同converse鞋去行山㗎？」為題，更列出自己認為的行山正確衣著：
- 以鬆身、透氣、防紫外線上衣為主，褲亦都不應該太貼身，最好長袖長褲（最主要是讓皮膚透氣，以及防草木界傷，穿長袖長褲亦對防蚊蟲、防曬傷、防刮傷最好）
- 戴防UV帽（天氣曬要戴防UV帽，保護面部）
- 穿行山鞋，boot為最佳，底要厚加有釘，抓地要好（穿上波鞋或converse行家樂徑等輕鬆路線是可以的，但一粒星以上的路線就應避免了）
我見其實10年前香港未流行行山時，已經有人著converse行山差啲跣落山，行大徑多數冇嘢，係傷自己，但行冇路/暗路/爬石/捆邊，著錯鞋會出人命。
網民：我都唔明瑜伽褲係著嚟做咩
有網民認同發文者所言，指每次在行街上看到女生穿著瑜伽褲都認為有所不當，指「着唔係問題，下下現晒形、倒晒出黎咁就唔係人人都想睇」、「應該有更加適合行山嘅裝束」、「瑜伽褲太過貼身其實行山真係唔係咁好」。
女網民反擊：男仔游水不如唔好著泳褲 下下現晒形
不過亦有部份網民認為「關你咩事」，指女生穿著瑜伽褲去行山並無不妥，認為：「著咩唔關我事，自己著得舒服行山就得啦，唔影響到其他人就得」 、「咁佢地又唔係唔著衫行」、「行山著咩最重要方便自己，唔通行山咁熱著長袖？其他人著衫都要管」、「著咩衫個人喜好」。
亦有女網民現身指「女仔從來唔管男仔著乜，男仔憑乜指指點點」、「你唔好望咪得囉，又要望又要鬧」、「男仔游水著泳褲都好貼好現形，不如你著牛仔褲」、「啲人係咪唔知瑜伽褲係運動服」。另外，有人反而不解「28度行山，見到啲姐姐包到實一寶，有啲著埋牛仔褲行，點解好似唔會熱既」、「仲有人著拖鞋行山」等情況更加令人擔心。