淘寶送貨被收附加費 港女不忿網上公審
近日有女網民於Facebook群組「淘寶唔開心share（中伏group）」發文，大呻使用某間淘寶集運的不愉快經歷。她表示自己在淘寶購物後，一向都是使用同一間本地集運公司的送貨服務，而最近都是由同一位送貨員負責送貨。
她續指上一次因為家中無人收件，送貨員就直接將貨件送到家門前。然而今次送貨時，對方卻以電話聯絡她，指送貨到屋企樓下要收取$20附加費，令她勃然大怒。她指對方的要求可謂非常無理，稱「之前咁多位司機包括佢在內，送到樓下都冇收過我任何費用……」
即使對方向她解釋上次只是因為她家中無人所以才而酌情免收，但她依然心生不滿，更指對方執意要收附加費的行為十分貪心。同時她更點出對方態度極有問題：「我住一樓，喺屋企已經聽到佢超大力扔啲貨！」、「貪心得嚟仲要係咁講粗口！」她續拍下對方樣貌放上公審，「希望咁多位揀集運時真係要小心。」
送貨員現身大反擊揭真相
但就在她發文的數日後，另一位事件當事人、遭到公審的送貨員就現身進行大反擊，令劇情大逆轉！他先是上傳了他與女客人的對話截圖，並指女事主的送貨地址是三棟屋村村屋，而住屋與停車位置有一定距離，步行需時10分鐘。而收取$20附加費屬於公司指引的一部分，因此他在送貨之前已特地致電對方交代有關收費。如果客人對收費有任何不滿，大可以自行到停車場取件，可免收附加費，而當時對方亦答應會 付附加費，而非「嚟到先講」。
至於上一次送貨時為何沒有收取附加費，他亦有另外解釋。他指因為上次送貨時對方表示沒有人在家中可收件，「衰好人免費幫你上山，已經講明下次你要安排好附加費」。他續指對於自己要在35度烈日當空底下，仍要推著30公斤的貨物上山，步行足足10分鐘送貨，只是跟隨公司指引辦事，竟然被客人公審，對此感到委屈及不忿：「今日35度，我推成30kg貨，我嚟到，你仲為咗講好嘅20蚊喺度話我貪心？」
網民為送貨員抱不平：叫個呀姑自己搬喇！
送貨員的澄清文一出後，大批網民都為他大抱不平，更一面倒批評事主貪小便宜之餘，更認為送貨員在炎熱的天氣下著沉重的貨物上山已十分辛苦，女事主不但未有體諒，更公審送貨員，行為非常無理：「將心比己，比錢唔係大晒，而且都只係比多$20就話人貪錢，咁叻自己搬可以連錢都慳返呀」、「唔好講熱唔熱，間公司講明要收就要畀，麻煩睇返條款」、「30kg先收您20蚊，圍返都無7毫1kg，仲要咁肉酸公審」。事後女事主疑因受盡抨擊，已將原公審帖文刪除，「深潛」了事。
