撰文：SY｜圖片來源：香港討論區、愛回家之開心速遞
大家平時占卜、風水命理，會相信多少？有些人完全不信，但都會有人信一半，而今次事件中的港女就完全相信。港女的妹妹在香港討論區開Post「家姐聽完師父批命後，成個人變到好懶」，指自己的家姐和朋友找了一個師傅看運程及批命。
而家姐覺得該名師傅「好準」，能夠說出自己舊事，「連拍過幾多次拖，咩原因分手都講得出」。之前該名師傅更指，家姐在9月會識到個有錢男，可以不用工作「有人養」。
所以「家姐聽完之後成個人就變到好懶」，不但辭去工作，「日日無所事事周街去」。姐姐認為「個師傅講嘅嘢一定係準」，開始不工作的行為，妹妹大呻大句：「咁大個人點解可以咁蠢？」
不少網民都紛紛留言：「但係佢唔出街都識唔到有錢佬」、「你家姐而家等運到？咁點樣識到個有錢人呀」、「3分靠運氣，7分努力」、「扮蠢嘅女人好可愛，但堅係懶嘅女人唔要得」、「風水佬冇問題，問題出於你家姐」。
