撰文：CY｜圖片來源：Facebook群組「香港 Staycation 酒店交流谷」、Unsplash@finelystrung
港人自備蛋糕住酒店 鬧職員不提供餐具「夠膽就咁成盒送上房」
近日有港人於Facebook群組「香港 Staycation 酒店交流谷」內分享貼文，表示自己近日入住尖沙咀某老牌酒店，入住經歷相當差劣，其中更重點分享當日寄存蛋糕的過程，似乎相當不滿。
事主表示當日自備生日蛋糕入住，並要求酒店代為寄存。其後要求酒店職員送上蛋糕時，酒店職員「夠膽就咁成盒送上房，乜都冇預畀我」，要額外要求才懂得反應，事主對此略為不滿。
另外，事主又表示入住期間猶如無服務，「只係門口有條友開吓門，招呼都唔打」；並指酒店大堂設計完全係三四星級數，狠批「完全唔掂」，房間裝修太殘舊，同樣對維港景，但景色遠輸同區其他酒店，如果作為3星級都酌量有70分，而作為5星級酒店則只有25分，更直言「住過嘅人都知中伏」。
事主再抨擊酒店餐飲好難食，自助餐晚餐用一個字形容就是「差」，「啲嘢食好唔新鮮，最恐佈有好多食物，第二朝早餐都見到」，跟表示好彩有自備蛋糕，算係滿足，疑似暗示食蛋糕頂肚都好過享用酒店餐飲，言詞犀利。
網民看完事主經歷之後都相當憤怒，不過槍頭似乎指向事主，「蛋糕你冇Request，人哋又點會俾刀叉你？我唔覺得有咩問題」、「唔收佢service charge都偷笑啦，睇吓啲餐廳，帶外來蛋糕入餐廳都收切餅費啦」，反認為事主反應太誇張。更有網民直接鬧事主要求多，「香港西客果然真係難服侍，比咗千幾蚊就當自己大爺」，遇到不滿就上網長文攻擊酒店，慰爐取暖。
有網民亦有解畫，話「外來蛋糕如果幫你拆盒上，可能又會比人話做乜拆佢盒、唔衛生。」，另外回應事主話酒店殘舊而且員工服務差，該網民表示「唔係住嘅人都會成日經酒店大門出入去海港城，又點會來者都同你打聲招呼啊……酒店歷史都唔輕，殘舊就預咗㗎啦」。
亦有網民支持事主，話最近入住都感覺麻麻，「廁所抽氣扇壞咗，搵人上嚟，整都冇整望下就算」，又表示廁所有漬，餐飲難食更是意料之內，酒店亦是在太舊，實在有需要翻新一下。
貼文全文
