買叉燒排隊6分鐘 公主病港女公審燒臘店 反被網民一句KO
近日有名網民於Facebook群組「香港茶餐廳及美食關注組」發文表示，日前於鑽石山特地乘搭港鐵，到柴灣光顧一間馳名燒臘店。她稱，在店內購買$100叉燒外賣，不過店內的招呼差。她續指，店內有2位燒臘師傅負責切燒味，而自己排第5個，心想「應該好快到我」，豈料還是要等6分鐘！她批評店內收銀員，沒有考慮如何令人龍可以更快消化完畢，因此有點失望。最後她表示叉燒十分美味而且令她驚喜，但希望燒臘店可以改善一下工作效率。
雖然她發文公審燒臘店的工作效率，但網民似乎不太受落，紛紛指她有公主病！有網民表示：「6分鐘都叫耐？唔講仲以為60分鐘 」、「一分鐘一個人都嫌耐？ 你搭車去都唔止6分鐘啦」、「我終於明白點解咁多人話香港女人係有公主病」、「6分鐘都叫耐，壽司郎個啲真係唔知叫咩了」、「等6分鐘都話耐，叫你排隊強檢咪死得」、「招呼咁差應該即刻走人啦，仲買嚟食？」、「咁X矜貴，你叫葵涌邨班居民情何以堪呀？」。
亦有網民指出事主想得太多：「人哋想點運作，人哋有權作決定，佢無呃你任何嘢，明買明賣就得。而且間舖只係你所認為嘅唔夠效率，佢無擺明態度差、語氣差嚟俾氣你受，而你有嘅權利係買或不買。」也有網民表示：「碳燒同新鮮豬肉，所以出來效果好。呢碟有肥有燶，唔錯！但出咗名、多人幫襯就慢慢變得無服務，不過燒味鋪講乜鬼服務呀？」事主也回應到：「佢哋嘅服務係好冷淡，見到有人客幫襯，都唔問句『要乜嘢』，好似當見唔到咁」。
