有港人去中環某Staycation熱門酒店食燒烤自助餐,夾取食物時發現一隻生雞翼,咬開後內裏仍然嫩紅色,隨即爆上網分享,指以燒烤為主題的自助餐,「隻雞翼都燒唔熟」,真係好離譜!

撰文:CY|圖片來源:Facebook群組「自助餐/放題/飲食/酒店優惠情報分享」

中環酒店燒烤自助餐夾到生雞翼 食客怒斥六百蚊食依啲好離譜

近日有港人去中環某Staycation熱門酒店食燒烤自助餐,每位收$588及加一服務費,有感高昂價格會換來高質素服務及體驗,惟事主在進食期間發現有一隻生雞翼,令她感到相當憤怒,「以燒烤命名嘅自助餐,燒隻雞翼都燒唔熟,好離譜」。

中環酒店燒烤自助餐驚現生雞翼 食客怒斥六百蚊食依啲好離譜
(圖片來源:Facebook群組「自助餐/放題/飲食/酒店優惠情報分享」)

事主隨即於Facebook群組「自助餐/放題/飲食/酒店優惠情報分享」分享經歷,再控訴該酒店燒烤自助餐沒有餐飲提供,並指「仲要係食燒烤」,似乎認為無嘢飲實在好不人道,餐廳唯一值得讚賞莫過於可以帶狗內進。

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

網民見狀簡直高呼出聲,表示「嘩!雞刺生(身)咁重口味⋯⋯」,狂笑「一成熟,外焦香,裡面刺身」,將食一啖落口的事主封為勇士;另外又有留言話「可能比狗食,唔係比你食」,講到燒烤自助餐一文不值。

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

亦有網民話自己雖然未有遇到事主相同經歷,不過就長文話該酒店自助餐「昨晚去食,真係把鬼,選擇小……三個人,仟六、七元,飲品都冇包,食埋些雞翼,燒魚餅,豬頸肉,真係伏到加零一」,獲得不少網民認同。

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

不過亦有不少網民反駁,話雖然燒烤自助餐無飲料提供,不過就有「水放題」,就無限提供飲用水,編輯翻查酒店資料亦發現可以額外付費選購飲料,並非事主所指「無餐飲供應」。亦有網民話,其實好多酒店自助餐都包括飲料,或需要額外收費,並非只有此酒店有此做法。

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)

(圖片來源:Facebook群組「自助餐/放題/飲食/酒店優惠情報分享」)
(圖片來源:Facebook群組「自助餐/放題/飲食/酒店優惠情報分享」)