移民英國｜90後情侶欲移民英國
任職護士的女網民向兩性專題Instagram帳戶「couple.murmur」投稿指，她與男朋友透過婚姻介紹所認識，她的擇偶條件是價值觀相近，因為覺得香港的大環境十分壓抑，所以希望在5年內移民英國或澳洲，移民後想有2個小朋友。當時就有一個男仔幾乎完全符合她的擇偶條件，對方希望與女朋友移民英國，也希望4年內可以有2個或以上小朋友組織家庭。兩人一拍即合，順利成為了男女朋友。
她指，以前的護士工作令她感到不愉快，所以選擇回歸校園攻讀IT學位，她亦在今年畢業後，順利找到一份可以在家工作的全職工作，即使移民都可以繼續工作，不用擔心失業。而男朋友的工作也相近，兩人合共有約80萬元儲蓄，經濟沒有問題的他們按照原定計劃，開始著手準備移民，預計會在下年年頭或年中移民英國。
移民英國｜男友突然轉軚 反口拒絕移民
但就在某一日，男朋友突然對她說：「其實我哋喺香港都可以生小朋友呀，我啊哥都生咗三個，都無諗過走都生活得好幸福呀。」驚愕的她想到男友的哥哥月入只有$13,000，而嫂子是無業遊民，終日遊手好閒，家中3個小朋友都無心照顧「淨係玩手機煲劇，連個小朋友跌親都唔知」。同時一家五口仍未排到公屋，只可以住在狹窄的套房之中，3個小朋友睡上格床，兩夫婦則睡下格床。她反問到：「想知咁嘅家庭點叫幸福？」
她又稱，香港大環境令人喘不過氣，所以她向男朋友表達了內心想法，男朋友則回答需要時間再考慮。她表示兩人明明一直為移民做好計劃，以為兩人一定向同一個目標前進，但男友現在卻舉棋不定，令她十分不安。
移民英國｜意外發現男友心中另有所想
直至有日事主偷看到男友與他哥哥的聊天紀錄，赫然發現男友坦承當初答應移民的想法，其實沒考慮清楚。她表示，現在只要她提到移民，男友就會啞口無言，男友更聲淚俱下「話求下我唔好咁快作決定，唔好分手」。事主坦言，她的確很愛男友，但被欺騙感覺越發強烈，令她十分痛苦，並詢問網民意見「其實係咪應該長痛不如短痛？」
移民英國｜網民：道不同，不相為謀！
投稿被公開後，大批網民紛紛為事主感到不值，更直指兩人應該分手：「男朋友可以再搵，人生得一次」、「佢嘅想法有改變，都無同你作岀商量，佢根本無係你立場諗過」、「睇佢同呀哥message啲口吻係一開始已經唔想移民喎，諗住同你講會移民應付左你先，想改變你諗法留係香港」、「最後真係移咗幾年後佢又話要返香港，到時先唔知點」。
更有網民怒斥男朋友的行為十分自私：「佢無視咗你由始至終嘅目標，諗住瞞瞞下就過骨，你嘅付出同努力唔係嘢咁…佢有尊重過咩？」、「根本你男朋友一開始就係呃緊你，諗住一齊左就可以氹到你留低，你咁清楚自己想點，其實都唔使上嚟問」。
在 Instagram 查看這則貼文