《萬千星輝頒獎典禮2018》昨晚圓滿舉行，除了各獎項得主受到關注，還有蕭正楠和黃翠如這一對！事關蕭正楠同曹永廉奪「最受歡迎電視拍檔」獎時，公開講黃翠如已經成為佢太太喇！恭喜恭喜！
撰文：東方新地｜圖片：新傳媒資料庫（原文刊於《東方新地》）｜GOtrip編輯：Jessie
蕭正楠已娶黃翠如為妻
蕭正楠同曹永廉憑《兄弟大茶飯》奪「最受歡迎電視拍檔」獎，由黃翠如、洪永城頒獎。蕭正楠講得獎感受時，正式公開黃翠如為太太，令全場藝員同事超驚喜！
蕭正楠：「Sorry sorry，我係好心神恍惚，拍戲或有人嗌我都唔知，我一直諗緊啲好浪漫嘅嘢感動我太太，但我個腦仔有限，唔識講好多嘢，好緊張，緊張咗成晚，我都唔記得要多謝你乜嘢。我多謝你令我學識去照顧人，令我學識做個更加好嘅男人，今晚呢個承諾都好大鑊，因為全香港人都知道。」黃翠如終於開口：「夠喇！夠喇！頒獎禮嚟㗎！」蕭正楠就聽話唔再繼續：「多謝大家畀呢個機會我講，多謝晒！」
二人非常激動，其他同事都紛紛上前祝賀！
今年八月，黃翠如上蕭正楠主持的《美女廚房》做嘉賓，被男友踩完全唔識煮嘢食的她，竟煮出令人讚不絕口的魚粥，眾主持起哄叫蕭正楠攞出求婚戒指即場求婚，又叫二人去紅棉道註冊，蕭正楠表現尷尬，而黃翠如則委屈流淚。性格率直，玩起來癲喪的黃翠如，口講唔急嫁，其實已發最後通牒畀蕭正楠，誓必一年內成為人妻！果然就成真了！